01:16 / 20.09.2015
6 256

Obama 1 yoshli bolakayni 101 yillik tavallud ayomi bilan tabrikladi

Obama 1 yoshli bolakayni 101 yillik tavallud ayomi bilan tabrikladi
AQSh Oq uyi Yuta shtatida yashovchi oila farzandiga tug‘ilgan kuni munosabati bilan tabriknoma yubordi. AQSh ma’muriyatining rasmiy blankasidagi maktubda “Aziz Benjamin: 101 yillik tavallud ayoming bilan tabriklayman”, deb yozib qo‘yilgan edi. Bu haqda NBC News telekanaliga asoslanib Kun.uz ma’lum qildi.

Maktub matnida Benjamin “AQSh tarixining ajralmas qismi” va “AQSh jamoaviy sa’y-harakatlar hisobiga erishishi mumkin bo‘lgan” eng yaxshi muvaffaqiyatlar guvohi bo‘lgani ta’kidlab o‘tilgan. Matn ostida esa AQSh prezidenti Barak Obama va uning rafiqasi Mishel Obamaning imzolari qo‘yilgan.

Benjamin Shostedlar oilasining 4- va kenja farzandi bo‘lib, u keyingi haftada bir yoshga to‘ladi. Bolaning ota-onasi Oq uyga muntazam ravishda farzandlarining tug‘ilgan kuni bilan tabriklashni so‘rab murojaatnoma yuborishadi. Biroq ular hali biror marta bunday tabriknoma olishmagan. Ularning fikricha, ularga 101 yoshga to‘lgan boshqa odamga mo‘ljallangan tabriknoma kelgan bo‘lishi mumkin.

Oilada yangi farzand dunyoga kelishi, tug‘ilgan kun, nikoh qurish yoki nikohning 50 yilligi hamda pensiyaga chiqqan amerikaliklarni tabriklash bilan Oq uyning maxsus bo‘limi – The White House Greetings Office (Oq uy tabriklar idorasi) shug‘ullanadi. Bunday tabrikni olish uchun AQSh ma’muriyati saytidagi anketani to‘lg‘azish kerak.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Obama 1 yoshli bolakayni 101 yillik tavallud ayomi bilan tabrikladi