Halokatga uchragan “An-148” samolyoti salonida ekstrasens ham bo‘lib, halokatni oldindan ko‘ra bilgan ekan…

U urallik jodugar va ekstrasens Ilya Stavskiy edi. Yaqin do‘stlaridan birining gapiga qaraganda, uning jodu shari bo‘lgan va yaqinda shu shar orqali atrofida juda ko‘p politsiyachilar turganini ko‘rgan. Ekstrasens ta’kidlaganki, politsiyalarning jodu sharidan joy olishi yaxshilikka emas. Bu osmon-u falakdan ogohlantirish signali hisoblanadi. Biror kor-holdan darak bo‘lishi tayin. Shuning uchun halokatga uchrashdan bir necha kun oldin tug‘ilgan kunini ham kamtarona o‘tkazishga qaror qilgan..

Do‘sti keyinroq fojia yuz bergan joyga borganda, haqiqatan u yerda ko‘plab politsiyachilar borligiga guvoh bo‘lgan.

— Ilya tug‘ilgan kunini sevgan qizi bilan Moskva shahrida nishonlagandi, — deydi do‘sti. — Jo‘nab ketish arafasida bu samolyotga chiqishni sira istamagan. Rosa ikkilangan ekan. Ammo ajaldan qochib qutulib bo‘lmaydi. Sevgan qizi uni ketishga undayvergach, rozi bo‘lgan.

Eslatib o‘tamiz, yaqinda Domodedovo aeroportidan Orsk shahriga parvoz qilgan “An-148” yo‘lovchi tashish samolyoti halokatga uchragan. Salondagi 64 nafar yo‘lovchi, 7 nafar ekipaj a’zolarining barchasi halok bo‘lgan.

Ilya Stavskiy Uraldagi tog‘ resurslarini qayta ishlash kombinati direktori Gennadiy Stavskiyning o‘g‘li edi.

Manba: hordiq.uz “Zamin” yangiliklarini “Instagram”da kuzatib boring