Parijda ko‘p qavatli uyning balkonida 4 yoshli bola osilib qolgani va istalgan vaqt yiqilib tushishi mumkinligini ko‘rgan 22 yoshli Mamud Gassam sanoqli soniyalarda uyning old tarafidan tirmashib chiqib, bolani ushlab qolmoqchi bo‘layotgan erkak qo‘lidan olgan. Bu haqda TJournal yozmoqda.
Qutqaruv xizmati xodimlari yetib kelganida Gassam bolani qutqarib bo‘lgan edi. Voqeani videoga olgan odamlar uni ijtimoiy tarmoqqa joylashtirgan. OAV va Twitter’da devordan yuqoriga ustalik bilan tirmashib chiqqan yigitni «haqiqiy o‘rgimchak odam» deb atashgan. Yigit — Mali davlatidan noqonuniy ravishda ko‘chib kelgan muhojir.
BFM TV kanaliga bergan intervyusida Gassam o‘rtoqlari bilan futbol ko‘rish uchun restoranga bormoqchi bo‘lib uyning yonidan o‘tganini aytgan. «Men bolalarni yaxshi ko‘raman, shuning uchun bolakay jabr ko‘rishini istamadim. Yugurib bordim va uni qutqarish yo‘lini o‘ylay boshladim. Xudoga shukr, balkonga tirmashib chiqishni uddaladim», — dedi Mamud Gassam.
Fransiya prezidenti Emmanuel Makron fransiyaliklar nomidan minnatdorchilik bildirish uchun Mamud Gassamni Yelisey saroyiga taklif qildi. Parij meri Ann Idalgo esa Gassamga qo‘ng‘iroq qilib, shaxsan tashakkur aytdi. «U Malidan bir necha oy ilgari ko‘chib kelgan. Parij uning bu yerda yashash uchun qolishini qo‘llab-quvvatlaydi», — dedi mer.
“Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonda Xitoy bilan hamkorlikda chiqindilarni yoqish zavodi quriladi
U-23 Osiyo Kubogi. O‘zbekiston so‘nggi daqiqalarda gol o‘tkazib yubordi va 2-o‘rin bilan yakunladi
Fyodor Yemelyanenko: “Men Mayk Tayson bilan jang qilishni reja qilgandim”
Buyuk Britaniya va Ukraina 100 yillik hamkorlik bo‘yicha muzokaralarni boshladi
Messining kelishi "Inter Mayami" budjetiga qanday ta’sir qildi?
Toshkent-Andijon pullik yo‘li loyihasi 4,65 mlrd dollarga baholandi
Mashhur agent PSJga to‘rtta yulduzni tavsiya qilmoqda
Rossiya bilan hamkorlikda Qashqadaryoda osma yo‘l quriladi