Shayxulislom, muftiy Muhammad Taqiy Usmoniy hafizahulloh aytadilar:
Menga qarashli bir ulug‘ Zot bo‘lgan voqeani aytib berdilar. Juda ibratli voqeadir.
U kishining bir do‘stlari Londonda edi va ish qidirayotgan edi. Ish uchun bir joyga suhbatdan o‘tishga bordi. U paytda uning yuzida soqoli bor edi. Suhbat olayotgan shaxs: Bu yerda soqol bilan ishlash qiyindir. Shuning uchun soqolni olib tashlash kerak bo‘ladi dedi.
Endi, u “men soqolimni olayinmi yoki olmayinmi?” deya juda qattiq o‘yga tushdi. O‘sha payt u ortiga qaytib ketdi va ikki uch kungacha boshqa joylarda ish qidirib yuraverdi va muammoga mubtalo bo‘laverdi. Boshqa ish topilmayotgan edi. Ishsiz va parishon ham edi. Oxiri, mayli, ish topilishi uchun soqolimni olib tashlay qolsinlar degan qarorga keldi. Chunonchi, soqolini oldirib tashladi va ayni o‘sha joyga ish uchun yetib bordi.
U yerga yetib borganida, o‘sha suhbat qurgan kishi: Nega keldingiz? dedi. U: Siz soqolingizni oldirib tashlasangiz, sizga ish topiladi degan edingiz. Shunga soqolimni oldirib keldim deya javob berdi. U kishi: “Siz musulmonmisiz?” deb so‘radi. U: “Ha,” dedi. U kishi yana: “Siz bu soqolni zarur deb bilardingizmi yoki zarur emas deb bilarmidingiz?” deb so‘radi. U: “Men uni zarur deb bilar edim va aynan shuning uchun qo‘ygan edim”, deb javob berdi. U kishi: “Siz buni Allohning hukmi ekanini bilar edingiz va Allohning hukmi sababli qo‘ygan edingiz. Endi, faqat men aytganim sababli Allohning hukmini tark etdingiz. Bu degani shuki, siz Allohga vafodor emassiz va o‘z Allohiga vafodor bo‘lmagan kimsa, o‘z boshlig‘iga ham vafodor bo‘la olmaydi. Shunga ko‘ra, endi, biz sizni ishga olishdan ojizmiz”, dedi.
Dunyo va oxiratda ziyon ko‘rdi. “Soqol ham ketdi, ish ham topilmadi”.
Faqat soqol emas, balki kim Alloh taoloning qancha ahkomlari bo‘lsa, odamlar mazax qiladilar deb o‘ylab, ularni tark qilsa, u holda bu dunyo va oxirat ikkisining barbodiga sabab bo‘ladi.
Abdulqayyum KOMIL tarjimasi
Manba: Azon.uz
“Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Qaysi kundalik odatlar immunitet pasayishiga olib kelishini bilasizmi?
Zoir Mirzayev “Telefonsiz maktab”ga 300 mln so‘m mukofot berdi
Sariqmi yoki yashil: qaysi turdagi banan foydaliroq?
Amerikalik olimlar barcha uchun birdek foydali jismoniy faollik turini aniqladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi
Rossiya dunyodagi birinchi vodorod yoqilg‘ili avtomobilni taqdim etdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi