7 116
Habib Nurmuhamedov “Erto‘g‘rul” seriali tasvirga olish maydonchasiga tashrif buyurdi (foto)
Mutloq janglar chempionati (UFC) chempioni Habib Nurmuhamedov Turkiyaga bordi. Sportchi 2014 yildan buyon rejissyor Metin Gunay tomonidan suratga olib kelinayotgan “Tirilish. Erto‘g‘rul” serialining suratga olish maydonchasida bo‘ldi, deb yozmoqda Qalampir nashri.
Habib Nurmuhamedovga serial prodyuseri va ssenariy muallifi Mehmet Bo‘zdog‘ hamrohlik qilgan. U tasvirga olish maydonchasida bo‘lib, serialning suratga olinishi bilan yaqindan tanishgan. O‘tovlarda bo‘lib, aktyorlar bilan suhbat qurgan. Bosh rol ijrochilari Engin Altan, Jengiz Joshkun, Nuriddin So‘nmas bilan uchrashib, suratga tushgan va bu suratlarni ijtimoiy tarmoqlardagi sahifasiga joylashtirgan.
Ma’lumot o‘rnida, 2014 yilning 10 dekabridan TRT telekanali orqali efirga uzatilib kelinayotgan “Tirilish. Erto‘g‘rul” serialida bir necha bor Samarqand va Buxoro shaharlari haqida so‘z boradi. Unda film qahramonlari Samarqand va Buxoroni muqaddas shaharlar deb atab, Chingizxon bu shaharlarni yoqib kul etgani aytiladi.
“Tirilish. Erto‘g‘rul” serialining tomoshabinlar soni kun sayin ortib bormoqda. Dunyoning 50 mamlakatida turk, ingliz, rus, fransuz, nemis, xitoy, koreys, yapon tillariga tarjima qilingan ushbu serial bir necha oydirki O‘zbekiston telekanalarida ham eng ko‘rimli seriallar qatoriga qo‘shildi.
Serialda turkiy xalqlarning o‘zaro qardoshligiga alohida e’tibor qaratilgan. Ota va o‘g‘il munosabatlaridagi hurmat, oilaga, yurtga, do‘stlikka sadoqat mohirona ko‘rsatilgan. Muqaddas Islom dinining sofligi, urush va yovuzlikka, begunohlarning qoni to‘kilishiga qarshiligi tasvirlangan.
Eslatib o‘tamiz, Habib Nurmuhamedov joriy yilning oktyabr oyida Turkiyaning Istanbul shahrida dunyodagi eng katta aeroport ochilish marosimida ham qatnashib, Prezident Rajab Toyib Erdo‘g‘anning mehmoni bo‘lgan edi.
“Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Shaxmat. Nodirbek Abdusattorov "TePe Sigeman" turnirida chempion bo‘ldi
Quddusda Turkiya fuqarosi isroillik politsiyachiga pichoq bilan hujum qildi
Falastin tarafdorlari namoyishlari butun dunyo universitetlarini qamrab olmoqda
ISHIDga aloqadorlikda gumonlangan o‘zbekistonlik AQSHda 2 yil erkin yashagani aniqlandi
Gruziya Bosh vaziri AQSHga tashrif buyurishdan bosh tortdi
AQSHda og‘ir-bosiqligi bilan mashhur bo‘lgan alligator o‘g‘irlab ketildi (foto)
Qirg‘iziston prezidenti Moskvadagi 9 may paradida ishtirok etadi
O‘zbekiston OTJ U-23 Osiyo kubogi "Fair Play" sovrini bilan taqdirlandi