Pavel Mamayevning qamoqxonadagi kamerasi ko‘rsatildi (foto, video)

Moskva shahridagi «Butirka» nomi bilan tanilgan 2-son tergov izolyatori rahbariyati jurnalistlarga «Krasnodar» yarimhimoyachisi Pavel Mamayevning kamerasini ko‘rsatdi. Futbolchidan tashqari, unda yana 11 nafar mahbus saqlanmoqda.

Bugun Pavel Mamayev izolyatorda mahbuslar ishtirokida o‘tkazilgan futbol o‘yinida ishtirok etdi. «Zenit» hujumchisi Aleksandr Kokorin esa tizzasidagi og‘riq tufayli o‘yinni o‘tkazib yubordi. Eslatib o‘tamiz, har ikkalasi 2018 yil oktyabr oyidan beri bezorilik va qasddan tan jarohati yetkazish jinoyatini sodir etganlikda gumonlanib, hibsda saqlanmoqda.





O‘yinda 8:7 hisobi qayd etildi. Mamayev har ikkala jamoa uchun 20 daqiqadan iborat 1 bo‘lim o‘ynab berdi va 7 ta gol urdi.