Eron sudi 11 yoshli qizaloq va katta yoshli erkak o‘rtasida tuzilgan nikohni bekor qildi (video)

Eronning Kohgiluya va Boyir-Ahmad viloyati sudi ijtimoiy tarmoqlarda to‘y videosi tarqalgan katta yoshli erkak va yosh qizcha o‘rtasida tuzilgan nikohni bekor qildi, deb xabar beradi «Daryo» nashri.

Rokna nashrining ma’lumotlariga ko‘ra, bolaning ota-onasi sudga chaqirilgan. Ular tomonidan taqdim etilgan tug‘ilganlik to‘g‘risidagi guvohnoma nusxasiga ko‘ra, qizning yoshi o‘n birda, kuyovniki esa 22 da. Oilaning so‘zlariga qaraganda, yangi kelin-kuyov bir-biri bilan tanishib olishi uchun vaqt berilishi, ular darhol er-xotin sifatida birgalikda yashashi kerak bo‘lmagan.

Sudya qizning yoshi sabab kelishuvni nomaqbul deb topdi va nikohni bekor qildi. Qizning ota-onasi yana ikki yil, farzandi 13 yoshga to‘lishini kutadigan bo‘ldi. Shundan keyingina juftlik sudning ruxsati bilan oila qurishi mumkin.

This a wedding party for girl who is under 13 years old. I cried when I received this video from
Bahmai County which is a county in Kohgiluyeh and Boyer-Ahmad Province in Iran. Under Islamic laws 13 year old girl can marry but cannot chose her dress code. pic.twitter.com/gqIQZDUcju

— Masih Alinejad ????️ (@AlinejadMasih) September 2, 2019

“Zamin”ni Telegramʻda oʻqing!