Foto: «TASS»
Rossiya prezidenti Vladimir Putin Davlat dumasiga Konstitutsiyaga kiritilgan o‘zgarishlar loyihasini taqdim etdi. Meduza’ning yozishicha, bu haqda parlament quyi palatasi spikeri Vyacheslav Volodin ma’lum qilgan.
Qayd etilishicha, xabar yozilgan vaqtda Davlat Dumasi ma’lumotlar bazasiga kiritilgan o‘zgarishlar e’lon qilinmagan, ammo Volodin ularning ayrimlari haqida aytib bergan.
Uning so‘zlariga ko‘ra, Konstitutsiyaga kiritilgan o‘zgarishlardan birida Xudo nomini tilga olish taklif etilgan.
«Ming yillik tarixga ega bo‘lgan Rossiya Federatsiyasi, bizga g‘oyalari va Xudoga ishonchini yetkazgan ajdodlar xotirasi, shuningdek, Rossiya davlatining rivojlanish davomiyligini saqlagan holda tarixan barpo etilgan davlat birligini tan oladi», — deya kiritiladigan o‘zgarishni o‘qib bergan Volodin.
Kiritiladigan yana bir tuzatishda nikoh tushunchasiga aniqlik kiritilgan. Unga ko‘ra nikoh bu — erkak va ayolning birlashmasidir.
Prezident, shuningdek, asosiy qonunda Rossiyada «rus tillari bilan bir qatorda davlat tili sifatida boshqa tillarni o‘rnatish»ga ruxsat berilishini talab qildi. Bunda rus tili davlatni tashkil etuvchi xalq tili maqomiga ega bo‘ladi.
Xabarda aytilishicha, Putin taklif etayotgan o‘zgarishlar 24 sahifada bayon etilgan. Ushbu o‘zgarishlar Davlat Dumasi tomonidan 23 yanvar kuni birinchi o‘qishda ko‘rib chiqilgan. Kiritiladigan o‘zgarishlarni ikkinchi o‘qishga tayyorlash 2 mart kuni o‘tkazilgan. Hujjat Davlat Dumasida ikkinchi o‘qib eshittirishga qachon ovozga qo‘yilishi hozircha noma’lum. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Istanbuldagi 1 may namoyishlarida 140 dan ortiq kishi hibsga olindi
Abbosbek Fayzullayev ham Osiyo kubogi finalida o‘ynamaydi
Timur Kapadze Yaponiyaga qarshi kechgan finaldan so‘ng nimalar dedi?
Rogov: Amerika qo‘shinlarining Ukrainada paydo bo‘lishi "ochiq ishg‘ol" bo‘ladi
Xitoyda avtomobil yo‘lining o‘pirilishi oqibatida kamida 24 kishi halok bo‘ldi
Ukraina Qrimga ATACMS raketalari bilan hujum qildi
Nyu-York politsiyasi Falastin tarafdori bo‘lib namoyish o‘tkazgan 282 talabani hibsga oldi