Xitoyda otaning hushyorligi farzandining hayotini saqlab qoldi (video)

^{Foto: Newsflare}
Xitoyning Chjetszyan provinsiyasi Szinxua shahrida otaning tez harakat qilishi yosh bolaning avtomobil ostida qolib halok bo‘lishining oldini oldi. Newsflare nashri videokuzatuv kamerasi tasvirlarini e’lon qildi.

Hodisa xitoylik erkak kichkina o‘g‘li bilan yo‘lni kesib o‘tayotganida yuz bergan. Mashinalardan biri piyodalar o‘tish joyida tormoz bermay, katta tezlikda o‘tib ketavergan. U bolani bosib ketishiga bir baxya qolganida ota o‘g‘lini ko‘tarib tortib qoladi.

Mashina bir soniya avval bola turgan joyni bosib, keyin to‘xtagan. Xitoylik erkak e’tiborsiz haydovchiga baqirib bergan.

pic.twitter.com/fUNE3GZvl1

— Shukhrat (@bankir2102) March 31, 2020

“Zamin”ni Telegramʻda oʻqing!