3 346
Tramp koronavirus pandemiyasi vaqtida nima sababdan tibbiy niqob taqmayotganini tushuntirdi
Foto: Reuters
AQSH prezidenti Donald Tramp koronavirus pandemiyasi vaqtida hech kimga yaqinlashmayotgani sabab tibbiy niqob taqishga ehtiyoj sezmayotganini bildirdi. Bu haqda u Oq uyda o‘tkazilgan brifing vaqtida ma’lum qildi, deb xabar beradi C-SPAN telekanali.
Uning so‘zlariga ko‘ra, Oq uy xodimlari unga nisbatan masofa saqlamoqda. «Men hech kimga yaqinlashmayapman», — deydi Tramp.
Prezidentning ta’kidlashicha, Oq uyda barcha niqob taqib yurmoqda. «Bugun kimni uchratgan bo‘lsam, niqob taqib olgan edi», — deydi Amerika yetakchisi.
The Wall Street Journal’ning yozishicha, Oq uy xodimlariga bino ichida tibbiy niqobda yurish majburiyati yuklangan. Bunda faqat o‘z ish stoli oldida o‘tirganda niqobni yechib qo‘yish mumkin.
Prezident administratsiyasining ta’kidlashicha, Tramp va vitse-prezident Maykl Pens himoya vositalarini taqib yurishga majbur emas. Nashrning ma’lumotlarga ko‘ra, bu kabi ko‘rsatma Oq uyning ikki nafar xodimida koronavirus aniqlanganidan so‘ng berilgan.
Avvalroq AQSH vitse-prezidentining matbuot kotibida koronavirus aniqlangani to‘g‘risida xabar qilingandi.
Eslatib o‘tamiz, aprel oyining boshlarida Donald Tramp aholiga niqob taqishni tavsiya qilgani, lekin o‘zi bu tavsiyaga amal qilmasligini aytgan edi.
So‘nggi ma’lumotlarga ko‘ra, AQSHda koronavirus bilan kasallanganlar soni 1,347 milliondan, COVID-19 qurbonlar esa — 80 ming kishida oshgan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Navoiyda YPX xodimlari ko‘z oldidagi qoidabuzarlikka ko‘z yumdi
Saudiyadagi forumda G‘azo urushi muhokama qilindi: «Isroilni to‘xtata oladigan yagona davlat – AQSH»
OAV erkinligi reytingi: Dunyodagi vaziyat - oxirgi 10 yildagi eng yomoni
Zaporoje viloyatining Rabotino shahri shimolida Rossiya bayrog‘i ko‘tarildi
AQSH Rossiyani Ukrainaga qarshi kimyoviy qurol qo‘llaganlikda aybladi
“Xufyona iqtisodiyotga qarshi kurash illyuziyasi” — Soliq qo‘mitasining rejalari nega tanqidga uchradi?
Keksayganda ham yosh ko‘rinish uchun qanday hayot tarzini kechirish kerak?