Foto: Vladimir Astapkovich/ RIA Novosti
Amerikaning Sorrento Therapeutics biofarmatsevtika kompaniyasi olimlari koronavirusni yuz foiz to‘sadigan antitanani aniqlashganini ma’lum qilishdi. Bu haqda Fox News xabar bermoqda.
Manbaning aytishicha, mutaxassislar milliardlab antitanalarni tahlil qilib, ular orasida koronavirusga ta’sir qiladigan yuzlab antitanalar borligini aniqlashgan. Ular ichidan ajratib olingan o‘nlab antitanalar o‘rganilganida, ulardan biri — STI-1499 inson hujayralarini virusdan yuz foiz himoya qilishi ma’lum bo‘lgan.
Qayd etilishicha, u virusni o‘rab oladi va uni to‘rt kun ichida organizmdan chiqarib tashlaydi.
«Bu dori ekanligini ta’kidlaymiz. Aniq ishlaydigan yechim bor», — dedi Sorrento Therapeutics asoschisi doktor Genri Ji. Shu bilan birga, tadqiqotlar faqat laboratoriya sharoitida o‘tkazilgan bo‘lib, kompaniya hozircha dorini ishlab chiqarishga ruxsat olmagan.
Doktor Ji bu dori yordamida barcha mamlakatlarda karantin bekor qilinishi mumkinligini aytdi.
«Agar organizmimizda neytrallaydigan antitana bo‘lsa, ijtimoiy masofaning keragi bo‘lmaydi», — deb ta’kidladi u.
15 may kuni Rossiya tibbiy-biologik federal agentligi rahbari Veronika Skvorsova klinikaoldi tadqiqotlari mefloxin dori vositasi koronavirus yuqtirgandan boshlab 48 soat ichida uni yo‘qotishi mumkinligini ko‘rsatganini aytgandi. Uning so‘zlariga ko‘ra, buning uchun bir millilitrga ikki mikrogramm doza kerak bo‘ladi. Skvorsova uni profilaktik va davolovchi deb atadi.
Ayni paytda koronavirusga qarshi vaksina mavjud emas, qator davlatlar olimlari uni yaratish ustida ish olib bormoqda. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
O‘zbek futbolchilari qilgan ishni ko‘pchilik uddalay olmagan!
Green Card javoblari qachon chiqishi e’lon qilindi
Ekspert: G‘arb Rossiya g‘alabasidan keyin quvg‘indagi Ukraina hukumatini yaratishi mumkin
YECHL. “Bavariya” va “Real” o‘rtasidagi dastlabki uchrashuvda jangovar durang qayd etildi
Toshkentdan Chorvoqqa avtobus qatnovi boshlandi
Orol dengizi bo‘yida mobil aloqa va internet tarmog‘i ishga tushirildi
Yevropa Ligasi. “Bayer” safarda “Roma”ni taslim etdi, “Marsel” esa “Atalanta” bilan durang o‘ynadi