Turkmaniston prezidenti ochilish marosimida velosiped sporti aholi sog‘ligini mustahkamlashda katta o‘rin tutishi haqida gapirdi.
Turkmaniston prezidenti Gurbanguli Berdimuhamedov 3 iyun kuni - butunjahon velosiped kuni munosabati bilan Ashxobodda velosipedga atab qurilgan yodgorlikni ochib berdi. Bu haqda Turkmaniston davlat axborot agentligi xabar qildi.
Ushbu bayram 2018 yil aprelida 72-sessiyada qabul qilingan BMT Bosh assambleyasi rezolyutsiyasiga muvofiq har yili nishonlab kelinmoqda.
Noodatiy yodgorlik butun bir kompozitsiya bilan ifodalangan, uning markazida ulkan shar o‘rnatilgan, sharda Turkmaniston xaritasi alohida ajratib ko‘rsatilgan, unda «Turkmaniston — Buyuk Ipak yo‘li yuragi» yozuvi aks etgan. Yer shari atrofida bir necha velosipedchi haykali o‘rnatilgan. Yodgorlikning pastki qismida tuyalar karvoni va chavandozlar tasvirlangan.
Ochilish marosimida hukumat rahbarlari, parlament vakillari, siyosiy partiyalar va jamoat tashkilotlari vakillari, xorijiy mamlakatlarning diplomatik missiyalari hamda xalqaro tashkilotlar vakillari, o‘qituvchilar va talabalar ishtirok etgan. Ularning barchasi sport kiyimida va velosipedlarda bo‘lishgan.
Gurbanguli Berdimuhamedov o‘z nutqida ekologik va qiziqarli sport turi bo‘lgan velosiped sporti mamlakat aholisi salomatligini mustahkamlashda muhim rol tutishi, shunga ko‘ra mamlakatda velosport bilan shug‘ullanuvchilar soni ortib borayotganini e’tirof etgan.
Ochilish marosimidan keyin prezident velopoygani boshlab berib, velosipedchilarga boshchilik qilgan. Velosipedchilar karvoni Ashxobod shahri ko‘chalari bo‘ylab 12 kilometrni bosib o‘tishgan.
Bayram munosabati bilan Turkmanistonning boshqa shaharlarida ham velopoygalar o‘tkazilgan. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Timur Kapadze tarixiy natija qayd etilganidan so‘ng nimalar dedi?
Hatto meva mumkin emas: jigar uchun zararli uch odat
Ruslanbek Jiyanov: "Yaponiya terma jamoasi bilan ikki yil avval ham to‘qnash kelganmiz"
Chet el valyutalarining o‘zbek so‘miga nisbatan yangi qiymati belgilandi
Internet-qaroqchilik. Buning uchun qanday javobgarlik bor?
Asab tolalarini mustahkamlashda muhim bo‘lgan vitaminlar
Saudiya Arabistoni valiahd shahzodasi Falastin prezidenti bilan uchrashuv o‘tkazdi