Turkiyaga boruvchilar uchun yangi talablar e’lon qilindi

Turkiya Sog‘liqni saqlash vazirligi 30 dekabrdan Turkiyaga tashrif buyurayotgan yo‘lovchilar uchun yangilangan talablarni e’lon qildi.

Unga ko‘ra:

• Turkiyaga tashrif buyurayotgan 6 va undan yuqori yoshdagi aviayo‘lovchilar 30 dekabrdan boshlab, COVID-19 uchun PZR SARS-COV-2 usuli bilan, Turkiya chegarasini kesib o‘tishdan kamida 72 soat oldin topshirilgan test natijalari ma’lumotnomasini majburiy ravishda taqdim etishlari lozimligini e’lon qildi.
  
• PZR SARS-COV-2ga manfiy natijali PZR-testni taqdim etmagan yo‘lovchilar chegarani kesib o‘tishda ko‘rsatilgan (uy, mehmonxona va boshqa) manzil bo‘yicha 7 kunlik karantinga olinadi. Turkiyadagi yashash manzilini ko‘rsatmagan shaxslar, Turkiya sog‘liqni saqlash vazirligi tomonidan ajratilgan joylarga joylashtiriladi.
  
• 7 kunlik karantindan so‘ng PZR-testi musbat natija bergan yo‘lovchilar Turkiya sog‘liqni saqlash vazirligining amaldagi talablari asosida davolanadilar.

Mazkur choralar 2021 yilning 1 martiga qadar amal qiladi. “Zamin”ni Telegramʻda oʻqing!