Xitoyda koronavirusning kelib chiqishi bo‘yicha davlat siri hisoblangan tadqiqotlar o‘tkazildi

^{Foto: Reuters}
Xitoy rahbariyati COVID-19’ni keltirib chiqaradigan SARS-CoV-2 virusining kelib chiqishi bo‘yicha tadqiqotlarni qattiq nazorat qilmoqda. Bu haqida Associated Press xabar qildi.

Xitoy hukumati virusning kelib chiqishini o‘rganayotgan olimlarga yuz ming AQSH dollarilik grantlar ajratmoqda. Rasmiylar tadqiqot natijalarini kuzatmoqda va Xitoy hukumati huzuridagi maxsus guruhdan tadqiqot xulosalari nashr etilishidan avval tasdiqlanishini talab qilmoqda.

Bundan tashqari, agentlik ma’lumotlariga ko‘ra, Xitoy rasmiylari nazorati ostida Yunnan provinsiyasida (janubiy Xitoy) ko‘rshapalaklar yashaydigan g‘orlar mavjud. AP muxbirlari Yunnan shahridagi bir nechta g‘orlarga kira olmagan. Agentlik ma’lumotlariga ko‘ra, muxbirlarni g‘orlarga kirishiga ularni butun viloyat bo‘ylab kuzatib borgan Xitoy davlat xavfsizlik agentlari ruxsat bermagan.

Ayniqsa, 2013 yilda RaTG13 virusi (SARS-CoV-2 virusining eng yaqin genetik qarindoshi) topilgan ko‘rshapalaklar yashaydigan tashlandiq kon qattiq himoyalangan.

COVID-19 epidemiyasi boshlanishi bilan xitoylik olimlar SARS-CoV-2 virusining asosiy manbai bo‘lgan hayvonlarni o‘rganishni boshlagan. Jumladan, Yunnan shahrida yashovchi ko‘rshapalaklar ham.

2020 yil fevral oyida Xitoydagi davlat ommaviy axborot vositalari hukumat tomonidan 214 ming dollar miqdorida grant olgan olimlar guruhi tadqiqot uchun Yunnan shahrida yuzlab ko‘rshapalaklar va boshqa hayvonlarning namunalarini to‘plaganliklari haqida xabar berdi.

Ushbu tadqiqot ma’lumotlari hali nashr etilmagan, deb ta’kidlaydi AP. Hukumat tomonidan qo‘llab-quvvatlanmaydigan olimlarning AP’ga aytishicha, ularga janubiy Xitoyda hayvonlarni o‘rganish uchun ruxsat olish juda qiyin.

Yunnan provinsiyasidagi g‘orlarga kirish bilan bog‘liq qiyinchiliklar haqida BBC News 2020 yil dekabrida ham xabar bergan. AP ham, BBC News ham SARS-CoV-2’ning Xitoydan kelib chiqishini o‘rganish bo‘yicha rasmiy ma’lumotlar juda kamligini ta’kidladi. Shu bilan birga, «Xitoy propagandasi» virus Xitoyda paydo bo‘lmaganligini da’vo qilmoqda, deb xabar bergan BBC News.

Pentagon 2020 yil aprel oyida koronavirus tabiiy usulda kelib chiqqaniga yetarli dalillar borligini bildirgandi. Shuningdek, AQSH davlat kotibi koronavirus pandemiyasida aybdorlar javobgarlikka tortilishini aytgandi. “Zamin” yangiliklarini “Youtube”da kuzatib boring