2 261
Chechenistonda Qodirov va uning qarindoshlari sharafiga nomlangan 346 ta ko‘cha borligi aniqlandi
Foto: «TASS»
Checheniston shahar va qishloqlarida jami 346 ta ko‘chaga respublika rahbari Ramzan Qodirovning nomi berilgan, deb yozadi Meduza «BBC Rossiya» hisob-kitoblariga tayanib.
Nashr qayd etishicha, u yoki bu aholi punktidagi Qodirov nomi berilgan ko‘chalar soni uning geografik joylashuviga bog‘liq: u urug‘dosh qishloqlarga qanchalik yaqin bo‘lsa, u yerda bunday ko‘chalar shunchalik ko‘p.
Masalan, respublika janubidagi Nojay-Yurt tumanida (Qodirovlar urug‘i o‘sha yerdan)gi 53 ta aholi punktidan 48 tasida uning nomi bilan atalgan ko‘chalar bor, Checheniston shimoli-sharqidagi Shelkov tumanida esa 25 ta qishloqda bor-yo‘g‘i to‘rtta shunday ko‘cha bor.
Ko‘chalar eng ko‘p Chechenistonning amaldagi rahbari Ramzan Qodirovning otasi Ahmad Hoji Qodirov sharafiga nomlangan, ikkinchi o‘rinda Ramzan Qodirovning o‘zi, undan keyinda esa uning onasi va bobosi turibdi.
Rossiya Davlat dumasi deputati Adam Delimxanov tug‘ilib-o‘sgan Jalka qishlog‘ida Qodirov nomidagi ko‘chalar bor-yo‘g‘i bitta, qaytaga Adam Delimxanovning o‘zining, shuningdek, Chechenistonning turli kuch muassasalarida ishlaydigan to‘rt aka-ukasining nomi berilgan ko‘chalar naq beshta.
Qodirovning qarindoshlari ko‘pincha Checheniston rahbariyatida yuqori mansablarni egallaydi. 2018 yilda, «BBC Rossiya» hisob-kitoblariga ko‘ra, Qodirovning qarindoshlari hududdagi eng nufuzli 150 nafar mansabdorlarning 30 foizini tashkil qilgan. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
“Ot aylanib qozig‘ini topadi” deyishardi, men “qozig‘imni” topolmadim (Hayotiy hikoya)
AQSHda og‘ir-bosiqligi bilan mashhur bo‘lgan alligator o‘g‘irlab ketildi (foto)
Istanbul: rasmiylar bosh maydondagi norozilik namoyishini tarqatib yubordi
Surxondaryoda dunyodagi eng katta so‘zana tikildi
Toshkentda voyaga yetmagan qizga shilqimlik qilgan yigitga sud hukmi o‘qildi
Kanchelskis O‘zbekiston va Qozog‘iston futbolini taqqosladi: "Ular juda oldinlab ketishgan"
U-23 Osiyo kubogi. Iroq 3-o‘rinni va Parij Olimpiadasi yo‘llanmasini qo‘lga kiritdi