Foto: «Depositphotos / ralwel»
Norvegiyada koronavirusning V.1.525 deb nomlangan yangi turi topildi. U oddiysidan ko‘ra yuqumliroq bo‘lishi mumkin, deya xabar berdi NRK teleradiokompaniyasi Milliy sog‘liqni saqlash institutiga tayanib.
«Chorshanba kuni mamlakatda ham Britaniya, ham Janubiy Afrika variantlari bilan o‘xshashliklarga ega bo‘lgan yangi shtamm aniqlandi», — deya ta’kidladi telekompaniya.
Norvegiyada so‘nggi 24 soat ichida V.1.525 shtammini yuqtirish bilan bog‘liq 10 ga yaqin holat qayd etilgani aytilmoqda.
«U yuqumliroq ekanligini hozircha bilmaymiz, lekin ehtimoldan xoli emas», — deya telekompaniya institut kafedra mudiri Line Voldning so‘zlarini keltiradi.
Uning aytishicha, Norvegiyada allaqachon koronavirusning turli shtammlari aniqlangan. Vaqt o‘tishi bilan ularning o‘zgarishi odatiy hol bo‘lib qoldi.
Shu bilan birga, shtammlarning aniq diagnostikasi mavjud bo‘lmagan boshqa mamlakatlarda bunday variant u yerda allaqachon aylanib yurganligi umuman ma’lum bo‘lmasligi ham mumkin. Norvegiya Buyuk Britaniya, Daniya va Islandiya bilan bir qatorda aniqlangan shtammlarni sinchkovlik bilan tahlil qilmoqda, deya izohladi institut.
Bugungi kunga kelib, norvegiyalik mutaxassislarning fikricha, Osloda har yettinchi infeksiya holati boshqa kommunalar bo‘ylab tarqalib ketgan «britan» shtammi tufayli kelib chiqqan — jami 700 ga yaqin. Bundan tashqari, «Janubiy Afrika» shtammining 42 ta holati ma’lum. Olimlar unga qarshi vaksinaning samaradorligini hali bilishmaydi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Fyodor Yemelyanenko: “Men Mayk Tayson bilan jang qilishni reja qilgandim”
Ukrainada safarbarlik to‘g‘risidagi yangi qonunning bir qismi kuchga kirdi
O‘zbekistonning qaysi hududida parranda ko‘p boqiladi?
Messining kelishi "Inter Mayami" budjetiga qanday ta’sir qildi?
La Liga. “Real Madrid” muddatidan oldin Ispaniya chempionligini qo‘lga kiritdi (video)
Rossiya bilan hamkorlikda Qashqadaryoda osma yo‘l quriladi
Prezidentga temir yo‘l sohasidagi loyihalar taqdim etildi
Sergey Shoygu: “Ukraina Rossiya bilan urushda 111 mingdan ortiq askarini yo‘qotdi”