Trampga hadya qilingan shohona choponlar nega Oq uyni xavotirga solib qo‘ygan?

^{Foto: «Ralf Hirschberger / dpa / globallookpress.com»}
Saudiya Arabistoni qirollik oilasi AQSHning sobiq prezidenti Donald Trampga soxta yo‘lbars terisidan tikilgan choponlar tuhfa etgan. Bu haqda The New York Times xabar berdi.

Nashr ma’lumotlariga ko‘ra, 2017 yili Saudiya Arabistoni rahbari AQSHning o‘sha paytdagi prezidenti Tramp va unga hamroh bo‘lgan kishilarga 80 dan ortiq shohona kiyim-kechaklar, jumladan, qoplon va yo‘lbars terisidan tikilgan choponlar tortiq qilgan.

Prezident vataniga qaytgach, Oq uy agar sovg‘alar haqiqatan ham yovvoyi hayvonlar terisidan tikilgan bo‘lsa, ma’muriyat 1973 yilgi qirilib ketayotgan hayvonlar va atrof-muhit to‘g‘risidagi qonunlarni buzishi mumkinligidan ogohlantirildi.

The New York Times ta’kidlashicha, Oq uy qirollik oilasi hadya qilgan choponlar haqidagi ma’lumotni qariyb to‘rt yil sir saqlagan. Shunga qaramay, 2021 yilda o‘tkazilgan ekspertiza natijalari endigina ma’lum bo‘ldi, hashamatli buyumlar sun’iy matolardan tikilganligi isbotlandi. “Zamin” yangiliklarini “Telegram”da kuzatib boring