11:53 / 25.10.2021
1 303

Afg‘onistonning Hirot shahridagi otishmada 17 kishi halok bo‘ldi

Afg‘onistonning Hirot shahridagi otishmada 17 kishi halok bo‘ldi
Foto: Ettela'at-e Rooz
Afg‘onistonning Hirot shahrida toliblar va noma’lum qurollangan kishilar o‘rtasidagi otishma vaqtida kamida 17 kishi, jumladan bolalar halok bo‘ldi.

Ettela'at-e Rooz nashrining xabar berishicha, otishma oqibatida 7 nafar bola, 3 nafar ayol va 7 nafar erkak, jumladan toliblar halok bo‘lgan.

Ma’lumotlarga ko‘ra, otishma soat 11:40 da boshlangan va 2 soatdan ko‘proq davom etgan. Uning davomida og‘ir qurol ham qo‘llangan. Manbalar toliblarga qarshilik ko‘rsatganlar orasida ISHID tarafdorlari ham bo‘lganini ma’lum qilgan. Biroq hozircha bu ma’lumot tasdiqlanmagan.

Mahalliy politsiya toliblarga qarshi 4 kishi otishma olib borgani, ularning barchasi o‘ldirilganini ma’lum qilgan.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Afg‘onistonning Hirot shahridagi otishmada 17 kishi halok bo‘ldi