Foto: Checheniston rahbarining matbuot xizmati
Rossiya prezidenti Vladimir Putin Moskvada Checheniston rahbari Ramzan Qodirov bilan uchrashdi. Bu haqda Qodirovning matbuot xizmati xabar berdi.
Ramzan Qodirov davlat rahbariga mintaqadagi ijtimoiy-iqtisodiy vaziyat to‘g‘risida hisobot bergan. Uning qayd etishicha, Putin boshchiligida ko‘rilayotgan chora-tadbirlar Chechenistonga koronavirus pandemiyasiga qaramay, rivojlanish sur’atini saqlab qolish imkonini bermoqda.
«Kasalxonalar dori-darmonlar, kislorod, koyka fondlari va himoya vositalari bilan to‘liq ta’minlangan. Vaksinatsiya dasturi muvaffaqiyatli amalga oshirilmoqda», — deydi Qodirov.
Shuningdek, u asosiy iqtisodiy ko‘rsatkichlar o‘sayotganini ma’lum qilgan. Checheniston yetakchisining aniqlik kiritishicha, «sanoat va qishloq xo‘jaligi mahsulotlarini ishlab chiqarish hajmi oshgan». «Asosiy kapitalga investitsiyalar hajmi ortdi. 2021 yilda biz 34 milliard rubllik 347 ta investitsiya loyihasini amalga oshirdik. Hozirda qariyb 121 milliard rubllik 618 ta loyiha amalga oshirilish bosqichida bo‘lib, bu 11 mingda ish o‘rnini yaratib beradi», — deya qo‘shimcha qiladi u.
Bundan tashqari, ko‘rilgan chora-tadbirlar natijasida respublikada ishsizlik 8 foizga qadar kamaygan, 2014 yildan boshlab budjetdan dotatsiya olish (davlat tomonidan beriladigan yordam puli) darajasi — 69,6 foizdan 42,4 foizgacha tushgan.
«Respublikada milliy loyihalar muvaffaqiyatli amalga oshirilyapti, maqsadli ko‘rsatkichlarga erishishda mintaqada yetakchilar qatorida», — deydi u.
Eslatib o‘tamiz, yanvar oxirlarida Ramzan Qodirov Checheniston har yili federal budjetdan 300 milliard rublga (3,8 milliard dollar) yaqin dotatsiya (davlat tomonidan beriladigan yordam puli) olishini ma’lum qilgandi. Qodirovning so‘zlariga ko‘ra, ushbu yordamsiz respublika «bir oy ham yashay olmaydi». Checheniston rahbari, shuningdek, u yerda pul ishlash mumkin bo‘lgan tabiiy resurslar yo‘qligini aytgandi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Har qanday katta yoshdagi kishi yetuk emas
Erdo‘g‘on Turkiya Isroil bilan aloqalarini uzganini ma’lum qildi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Blinken Isroildan uchta muammoni hal etishni talab qildi
Borrel YEIning Isroil bilan muloqotini to‘xtatishni taklif qildi
Yaxshi pishgan va mazali anor tanlashga yordam beradigan tavsiyalar
