Foto: Zuma / TASS
Avstraliya, Kanada va Yaponiya hukumatlari Rossiya o‘zini o‘zi mustaqil deb e’lon qilgan Donetsk va Lugansk xalq respublikalarini tan olishiga javoban Rossiyaga qator sanksiyalar joriy etishga qaror qildi.
Kanada bosh vaziri Jastin Tryudo iqtisodiy sanksiyalarning «birinchi raundi» haqida e’lon qilgan. Kanada sanksiyalari ham Rossiya suveren qarzlari va DXR hamda LXR bilan kelishuvlarni qamrab olgan. Bundan tashqari, ular Rossiyaning ikki banki va Rossiya parlamentining DXR va LXR tan olinishi uchun ovoz bergan vakillariga taalluqli bo‘ladi. Kanadaliklarga ushbu respublikalar bilan moliyaviy operatsiyalarni o‘tkazish taqiqlanadi.
Avstraliya ham Rossiya banklari, DXR va LXR jismoniy va yuridik shaxslarini sanksiyaga duchor etgan. Kanberra Rossiya Xavfsizlik kengashining DXR va LXR tan olinishini qo‘llab-quvvatlagan sakkiz vakilini sanksiyalar ro‘yxatiga kiritgan (ularning familiyalari hozircha oshkor etilmadi).
«Dastavval biz Rossiya Xavfsizlik kengashining sakkiz a’zosini mamlakatga kirishini taqiqlash va maqsadli moliyaviy sanksiyalarni joriy etamiz», degan Avstraliya bosh vaziri Skott Morrison.
Avvalroq Donbassdagi o‘zini o‘zi mustaqil deb e’lon qilgan respublikalarni tan olgani uchun RFga AQSH, Yevroittifoq va Buyuk Britaniya tomonidan sanksiyalar qo‘llangandi.
Yaponiyaliklarning sanksiyalari mamlakatga DXR va LXRdan rasmiy shaxslar kelishini cheklash, shuningdek ushbu respublika bilan eksport va import mahsulotlarini taqiqlashni nazarda tutadi. Bundan tashqari, sanksiyalar yapon bozorida rossiyaliklar obligatsiyalari joylashtirilishini cheklashga qaratilgan. Shuningdek, Rossiya hukumatining yangi suveren qarzi bo‘yicha operatsiyalar to‘xtatiladi.
Yaponiya bosh vaziri Fumio Kisida vaziyat yomonlashgan taqdirda, chora-tadbirlar ro‘yxati kengaytirilishi mumkinligini qayd etgan. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on Turkiya Isroil bilan aloqalarini uzganini ma’lum qildi
Immunitetni ko‘tarish uchun 6 ta eng yaxshi vitamin
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Yaponlar qishda uylarini qanday isitadilar?
AQSH va Rossiya Isroil hamda “Hizbulloh” o‘rtasidagi kelishuvda vositachi bo‘ladi
Andijonda Tez tibbiy yordam markazi direktor o‘rinbosari o‘z ishiga tiklandi
Tramp AQSH bosh prokurori lavozimiga kongressmen Gets nomzodini ilgari surdi
