Polsha AQSHdan G‘-16 qiruvchi samolyotlari evaziga Ukrainaga MiG-29 qiruvchi va Su-25 hujumchi samolyotlarini berishi mumkin. Bu haqda shanba kuni The Wall Street Journal AQSH ma’muriyatidagi manbalarga tayanib xabar bergan.
Nashrning ta’kidlashicha, prezident Vladimir Zelenskiy shanba kuni AQSH Kongressi a’zolariga Ukrainaga harbiy samolyotlar yetkazib berishni osonlashtirishni so‘rab murojaat qilgan. The Wall Street Journal manbalariga ko‘ra, Qo‘shma Shtatlar Polsha Kiyevga ma’lum miqdordagi MiG-29 va Su-25 samolyotlarini taqdim etish variantini ko‘rib chiqmoqda va Qo‘shma Shtatlarda ishlab chiqarilgan qiruvchilar Varshavaga topshirilishi mumkin. Nashrda jangovar samolyotlar soniga aniqlik kiritilmagan.
Gazetaning qayd etishicha, taklif qilingan kelishuv AQSH va uning NATOdagi hamkorlari o‘rtasida muhokama qilinmoqda. Bunday uskunalar almashinuvi Vashington va Varshava rahbariyati tomonidan tasdiqlanishi kerak, deb yozadi The Wall Street Journal.
Avvalroq Zelenskiy NATOdan Ukraina uzra parvozlarni taqiqlovchi hudud joriy etishni so‘ragan edi. Shu bilan birga, shanba kuni Rossiya prezidenti Vladimir Putin Rossiya boshqa davlatlarning Ukraina uzra uchish taqiqlangan hududni tashkil etishga urinishlarini harbiy harakatlarda ishtirok etish deb hisoblashi, bu butun dunyo uchun halokatli oqibatlarga olib kelishi haqida ogohlantirdi. AQSH va NATO vakillari avvalroq Ukraina uzra parvozlarni taqiqlovchi hududning joriy etilishi Rossiya bilan urush xavfini tug‘dirishini ta’kidlagan edi.
Qiruvchi samolyotlar1, Polsha1, Ukraina1, MiG-29 qiruvchi1, Su-25 hujumchi samolyot1, G‘-16 qiruvchi samolyot1 Rossiya va Ukraina urushi “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Xonanda Ruxshona uylanmagan yigitga turmushga chiqqani haqida so‘zlab berdi
Italiya sudi Quddus Isroil poytaxti emasligi haqida qaror chiqardi
22 noyabr kuni Cobalt avtomobiliga shartnoma ochilishi e’lon qilindi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
