Foto: Reuters
Turkiya prezidenti Rajab Toyyib Erdo‘g‘on Rossiya davlat rahbari Vladimir Putinga yana bir marta ukrainalik hamkasbi Vladimir Zelenskiy bilan uchrashuv tashkillashtirishga tayyorligini bildirdi. Bu haqda Erdo‘g‘on devonxonasiga tayanib A Haber xabar qildi.
«Prezident Erdo‘g‘on tomonlarning vaziyatga aql bilan yonashishi va muloqotni qo‘llab-quvvatlashi muammoni hal etishdagi eng asosiy masala ekanligini ta’kidladi. Shuningdek, u tinchlik o‘rnatilishi uchun Turkiya Rossiya va Ukraina prezidentlari Putin hamda Zelenskiy uchrashuvini tashkillashtirishga tayyorligini qayd etdi», — deyiladi bayonotda.
Erdo‘g‘on va Putin 1 aprel kuni telefon suhbatini o‘tkazgan. Rossiya prezidenti turk tomoniga Kiyev va Moskva o‘rtasida 29 mart kuni Istanbulda tashkillashtirilgan uchrashuv uchun minnatdorlik bildirdi, deyiladi Kreml axborotida.
«Shuningdek, davom etayotgan tinchlik muzokaralarining muhim ahamiyatga ega jihatlari xususida ma’lumot berildi», — deya qo‘shimcha qilgan Kreml matbuot xizmati.
29 mart kuni Erdo‘g‘on tashabbusi bilan Istanbul o‘tgan muzokaralar vaqtida Kiyev Moskvaga vaziyatni siyosiy yo‘l bilan hal etishga qaratilgan o‘z yozma takliflarini taqdim qilgan, ularda jumladan Ukrainaga betaraflik maqomini berish nazarda tutilgan. Rossiya Kiyev va Chernigovsk hududlaridagi urush harakatlari to‘xtatilishini va’da qilgan, shuningdek Putin hamda Zelenskiy uchrashuvi o‘tkazilishi mumkinligini inkor etmagan. Rossiya delegatsiyasi rahbari Vladimir Medinskiyning aytishicha yuqori darajadagi muzokaralar tinchlik kelishuvi yoki tashqi ishlar vazirlari boshqa hujjatni imzolaganidan keyin boshlanishi mumkin.
Erdo‘g‘on Turkiyada Putin va Zelenskiy muzokaralari uchun sharoit yaratib berishga tayyorligi haqida bir necha marta gapirgan. Medinskiy tinchlik kelishuvi loyihasini tayyorlash uchun «katta yo‘l»ni bosib o‘tish zarurligini aytgan. Italiya bosh vaziri Mario Dragi, shu bilan birga Putinning o‘zi ham hali ikki davlat rahbarlarining uchrashuvini o‘tkazish haqida gapirishga erta ekanligini ta’kidlagan. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on Turkiya Isroil bilan aloqalarini uzganini ma’lum qildi
Immunitetni ko‘tarish uchun 6 ta eng yaxshi vitamin
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Yaponlar qishda uylarini qanday isitadilar?
AQSH va Rossiya Isroil hamda “Hizbulloh” o‘rtasidagi kelishuvda vositachi bo‘ladi
Andijonda Tez tibbiy yordam markazi direktor o‘rinbosari o‘z ishiga tiklandi
Tramp AQSH bosh prokurori lavozimiga kongressmen Gets nomzodini ilgari surdi
