Checheniston rahbari Ramzan Qodirov Ukraina prezidenti Vladimir Zelenskiyga suiqasd uyushtirish rejalarida qatnashgan. Bu haqda Ukraina Milliy xavfsizlik va mudofaa kengashi rahbari Aleksey Danilov OAVlarga ma’lum qilgan.
«Ukraina birinchi shaxsiga suiqasd bo‘yicha topshiriqni 3 fevral kuni Ramzan Qodirov Vladimir Putin bilan uchrashuvda olgan. Qodirovga suiqasdni o‘z guruhi bilan amalga oshirish majburiyati yuklatilgan», — deya Danilovning so‘zlarini keltiradi Meduza.
Ukrainalik amaldor suiqasd haqidagi manbani ochiqlamagan. Ammo qayd etish kerakki, so‘nggi haftalarda Vladimir Zelenskiy va uning idorasi vakillariga o‘ndan ortiq suiqasdlar (mart oyi boshidan beri uchta) uyushtirilgan bo‘lishi mumkin.
Britaniyaning «The Times» gazetasiga ko‘ra, suiqasdlarda «Vagner PMK» yollanma askarlari va chechen maxsus kuchlari ishtirok etmoqda.
Rossiya prezidentining matbuot kotibi Dmitriy Peskov aprel oyi boshidagi fransuz ommaviy axborot vositalariga bergan intervyusida Rossiya Ukraina prezidenti hayotiga suiqasd tayyorlayotgani haqida xabarlarni «safsata» deb atagan edi.
Mart oyi so‘nggida Checheniston rahbari Ramzan Qodirov Rossiya Milliy gvardiyasi general-leytenanti unvonini olgandi. Bundan tashqari Qodirovning rus qo‘shinlarining butun Ukraina shaharlari bo‘yicha hujum uyushtirishi bo‘yicha bayonoti aynan Putin tomonidan berilgani iddao qilingan edi.
Eslatib o‘tamiz, Ramzan Qodirov avval ham muzokaralardan foyda yo‘qligi va Kiyevga hujumni davom ettirish lozimligi haqida gapirgandi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Har qanday katta yoshdagi kishi yetuk emas
Erdo‘g‘on Turkiya Isroil bilan aloqalarini uzganini ma’lum qildi
Blinken Isroildan uchta muammoni hal etishni talab qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Borrel YEIning Isroil bilan muloqotini to‘xtatishni taklif qildi
Toshkentda vafot etgan rossiyalik jurnalist ishiga doir qo‘shimcha ma’lumot
