Putin Rossiyada «ilm-fan va texnologiyalar o‘n yilligi»ni e’lon qildi

^{Foto: «TASS»}
Rossiya prezidenti Vladimir Putin 2022—2031 yillarni «ilm-fan va texnologiyalar o‘n yilligi» deya e’lon qildi. Bu borada tegishli qaror huquqiy axborot portalida e’lon qilingan.

Qarorda o‘n yillikning asosiy vazifalari etib quyidagilar belgilangan:
- iqtidorli yoshlarni ilmiy izlanishlarga jalb etish;
- jamiyat va mamlakat taraqqiyotining eng muhim vazifalarini hal qilishda tadqiqotchilar va ixtirochilarni jalb qilishga ko‘maklashish;
- Rossiya fuqarolari uchun rus ilm-fanining yutuqlari va istiqbollari to‘g‘risidagi ma’lumotlardan foydalanishni ta’minlash.

Qarorga muvofiq dasturning asosiy bosqichlarini nazorat qiladigan maxsus Muvofiqlashtiruvchi qo‘mita tuziladi.

Eslatib o‘tamiz, 2021 yil ham Rossiyada «ilm-fan va texnologiya» yili deb e’lon qilingan edi. “Zamin”ni Telegramʻda oʻqing!