Kimlarga smetana yeyish mumkin emas?

Smetana mahsulotini 1,5 yoshga to‘lmagan bolalarga berish mumkin emas. Agar oshqozon yallig‘lanishi, jigar, o‘t pufagi bilan muammolar bo‘lsa, smetanani iste’mol qilishda ehtiyot bo‘lish lozim, deydi nutritsiolog Olga Kovinenko.

“Ushbu sut mahsulotining (qaymoq va xamirturush) tarkibida yoq miqdori ko‘p(10% dan 30%). Shuning uchun ham uni me’yorida iste’mol qilish zarur. Smetana tarkibida A, C, Ye, K, D, B guruhi vitaminlari, aminokislotalar, rux, kaliy, kalsiy (ayniqsa, D vitamini bilan birgalikda yaxshi so‘riladi) moddalari mavjud. Bu ovqat hazm qilish, mikroflora jarayoniga foydali ta’sir ko‘rsatadi. Mahsulotni doimo yangi holatida iste’mol qilgan ma’qul (chunki, harorat ko‘tarilsa, uning tarkibidagi foydali bakteriyalar nobud bo‘ladi). U teri, soch, tirnoqlar go‘zalligi va salomatligi uchun ham foydali", - deydi nutritsiolog.

“Bolalar, qariyalar va ko‘p jismoniy harakat bilan shug‘ullanadigan odamlarga mahsulot ko‘p tavsiya qilinadi, chunki u oqsil va yog‘larga boy” deya ta’kidladi shifokor.

Biroq, mutaxassisning qo‘shimcha qilishicha, 1,5 yoshgacha bo‘lgan bolalarga smetana tavsiya qilinmaydi, chunki ularning oshqozon-ichak tizimi hali bunday turdagi oqsilni to‘liq hazm qilishga tayyor bo‘lmaydi. Vazn tashlamoqchi bo‘lgan insonlar esa kamroq iste’mol qilgani ma’qul, chunki smetana yuqori kaloriyali. Oshqozon yallig‘lanishi, o‘t pufagi va jigar faoliyatida muammoga duch kelganlar esa smetanani iste’mol qilishda ehtiyot bo‘lishlari kerak. “Zamin” yangiliklarini “Youtube”da kuzatib boring