Nima uchun oyoqlar tortishib og‘riydi?

Oyoqning tortishib og‘rishi harakatchanlikning qisman yoki to‘liq yo'qolishiga olib keladi. Bo‘g‘imlarning yoki suyaklarning jiddiy kasalliklari bu og‘riqqa sabab bo‘lishi mumkin. Qanday kasalliklar oyoqning pastki qismida tortuvchan og‘riqlarni keltirib chiqaradi?

Oyoq og‘rig‘ining sabablari

Oyoqdagi og‘riq turli sabablarga ko‘ra yuzaga keladi:

• Venoz tizimida qon oqimining buzilishi — qon aylanishining buzilishi bilan tomirlardagi bosim ortadi. Bu holat asab tugunlariga ta’sir qilib, og‘riq paydo bo‘lishiga olib keladi.
• Oyoq tortuvchan og‘riq pulsatsiya tabiati bilan kuzatilsa, bu tromboflebitning rivojlanishini ko‘rsatadi, ya’ni bu tomirlarda qon quyqalari hosil bo‘ladigan qon tomir kasalligidir.
• Tomirlarning aterosklerozi — qon tomir devorlarining qalinlashishi bilan kechadigan kasallikdir. Og‘riqlar siquvchan va oyoqda qisman sezuvchanlik yo‘qolishi qayd etilishi mumkin.
• Orqa miya kasalliklari, jumladan, ko‘karishlar va boshqa shikastlanishlar. Og‘riq sindromi asosan oyoqlarning orqa qismida lokalizatsiya qilinadi.
• Tortuvchan og‘riq ko‘pincha ob-havo o‘zgarganda paydo bo‘ladi, bu bo‘g‘imlarning shikastlanishini ko‘rsatadi. Agar xarakterli tortuvchan og‘riq kuzatilsa, muammo sababini aniqlash uchun mahalliy terapevtga murojaat qilgan ma’qul. Mutaxassis qon testlari bilan keng qamrovli tekshiruvni tayinlaydi, chunki ko‘pincha og‘riq sindromi qandli diabet rivojlanishi — qonda glyukoza miqdori ko‘payishi tufayli namoyon bo‘ladi.

Oyoqdagi tortuvchan og‘riqning oqibatlari

Turli og‘riq qoldiruvchi vositalardan uzoq muddat foydalanish jiddiy asoratlarni keltirib chiqarishi mumkin, masalan:

• Tromboflebitning rivojlanishi tomirlarda qon quyqalarining tiqilib qolishi o‘limga sabab bo‘ladi — odamda infarkt yoki insult xavfi yuqori;
• Bo‘g‘im kasalliklari asta-sekin to‘qimalarning shikastlanishiga va oldingi harakatchanligining yo‘qolishiga olib keladi;
• Qandli diabet o‘z vaqtida davolanmasa, bemorning giperglikemik komaga tushishi xavfi mavjud;
• Bemorning keskin harakati bilan umurtqa pog‘onasi kasalliklari ko‘pincha oyoqning pastki sohalarining falaji bilan yakunlanadi.

Yuqorida bayon etilgan asoratlar xavotirga solib, ayniqsa, o‘tgan oy davomida oyoqlarning tortishib og‘rishi sezilarli oshgan bo‘lsa, kechiktirmay shifokor huzuriga borish zarur.

“Zamin” yangiliklarini “Vkontakti”da kuzatib boring