Ba’zida tirnoqlarda paydo bo‘ladigan oq dog‘lar leykonixiya deb ataladi. Ko‘pincha ularning tashqi ko‘rinishi zararsiz sabablarga ko‘ra yuzaga keladi, lekin ayrim hollarda bu xavfli kasallikning belgisi bo‘lishi ehtimoldan holi emas.
Tirnoqlar ham e’tibor talab qiladi. Shuningdek, tirnoq holatiga diqqat bilan qarashingiz kerak: tirnoqning rangi o‘zgarishi, to‘lqinli joylar, qatlamlar — bularning barchasi sog‘liqdagi muammolarni ko‘rsatadi. Nima uchun tirnoqlarda oq dog‘lar paydo bo‘lishi va ularni sezsangiz, qanday hollarda shifokorga murojaat qilish kerakligini bilib oling.
Tirnoq jarohati
Agar ta’sir gematomaga olib keladigan darajada kuchli bo‘lsa, dog‘ ko‘k yoki qora rangda bo‘ladi. Ammo agar zarba kuchsiz va tirnoq plastinkasi shikastlangan bo‘lsa, unda oq nuqta paydo bo‘ladi.
Manikyur
Turli xil tirnoq qoplamalarini ishlatadigan ayollarda lak yoki gelning kimyoviy tarkibiga reaksiya sifatida bunday oq dog‘lar tez-tez paydo bo‘ladi. Ammo muntazam ravishda tirnoqni parvarish qildirsangiz va tirnoq plastinkaning o‘zini silliqlasangiz, kichik dog‘larni ko‘rishingiz mumkin — bu ko‘pincha tirnoqlarda manikyurdan keyin hosil bo‘ladigan mikrotravma natijasidir.
Psoriaz yoki ekzema
Tirnoqlar — terining turi bo‘lib, dermatologik kasalliklar, jumladan, ekzema va psoriaz kasalligiga moyil bo‘ladi. Bu holda tirnoq plastinkasi qalinlashadi va oq nuqta kichik teshik ichida bo‘lib ko‘rinadi — agar o‘zingizda shunga o‘xshash narsani sezsangiz, dermatolog bilan maslahatlashing.
Zamburug‘ infeksiyasi
Tirnoqning qalinlashadi yoki oq nuqtalar ba’zi hollarda butun tirnoqni qoplaydi — bu tirnoq zamburug‘i bo‘lishi mumkin. Agar suzish havzasi, basseyn, sauna, sport zaliga tez-tez borsangiz va shunga o‘xshash alomatlarni sezsangiz, dermatologga murojaat qiling.
Covid-19
“Covid-19 barmoqlari” deb ataladigan narsa koronavirusning eng keng tarqalgan alomati emas. Odatda, kasallik vaqtida bemorlarning qo‘l va oyoq barmoqlari qizarib ketadi, ammo ba’zida bu tirnoqda oq dog‘lar bilan birga keladi.
Vitamin va minerallar yetishmasligi
Agar organizmda biron bir foydali moddalar bo‘lmasa, tirnoqlarda oq dog‘lar paydo bo‘lishi mumkinmi, fan buni hali aniqlamagan. Ba’zi tadqiqotchilarning fikricha, bunday dog‘lar kalsiy, sink yoki D vitamini yetishmovchiligi fonida paydo bo‘lishi mumkin. Ammo bunday bo‘lmasa ham, taomnomangiz to‘liq va xilma-xil bo‘lishiga ishonch hosil qilish kerak.
Jiddiy alomatlar
Kamdan kam hollarda tirnoqlarda oq dog‘lar paydo bo‘lishi buyrak yetishmovchiligi, yurak kasalligi yoki autoimmun kasalliklarini ko‘rsatadi. Ammo shuni yodda tutish kerakki, bu xavfli alomatlar boshqa, nafas qisilishi, ko‘krak qafasidagi og‘riqlar, yurak urishida o‘zgarishlar va to‘piqlarning shishishi bilan birga keladi. Noxush alomatlarni sezsangiz, kechiktirmasdan shifokor qabulida bo‘ling.
“Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Shvetsiya Eronni Qur’on yoqib yuborilgani uchun qasos olganlikda ayblamoqda
Tramp Zelenskiyning AQSHga tashrifi chog‘ida u bilan uchrashishdan bosh tortdi
Oyatulloh Xomanaiy: “Yo‘qotishlarga qaramay, “Hizbulloh” kuchli bo‘lib qoladi”
Lionel Messi o‘z prodyuserlik kompaniyasiga asos soldi
Xitoy mamlakatlarni jungli qonunidan voz kechishga chaqirdi
O‘zbekiston Turkmaniston va Turkiya bilan mudofaa sohasida hamkorlik qiladi
Kuniga nechta olma yeyish mumkin? Ommabop mevaning zararli xususiyatlari
Hindiston BMTni isloh qilishga chaqirdi
