Qorinni yo‘qotadi, metabolizmni tezlashtiradi: ortiqcha yog‘larni eritish xususiyatiga ega ko‘katlar
Yozgi mavsumda ko‘p sabzavot va mevalarni iste’mol qilishingiz kerak. Bundan tashqari, diyetaga shifobaxsh o‘tlarni qo‘shish tavsiya etiladi. Ko‘katlar organizmdagi metabolik jarayonlarni yaxshilashga va ovqat hazm qilish traktining faoliyatini yaxshilashga yordam beradi. Ratsionda ko‘katlarning muntazam mavjudligi vazn yo‘qotish jarayonini mukammal darajada to‘ldiradi va ortiqcha yog‘larni samarali tarzda eritib yuboradi.
Ko‘katlar va shifobaxsh o‘tlar ko‘pchilik unutib qo‘yadigan to‘g‘ri ovqatlanishning ajralmas tarkibiy qismidir. Ko‘katlarda deyarli kaloriya mavjud emas. Shu bilan birga o‘tlarning kimyoviy tarkibi foydali birikmalar bilan to‘la bo‘lib, ayniqsa, ovqat hazm qilish va lipid qatlamlarining bo‘linish jarayoniga foydali ta’sir ko‘rsatadi.
Ushbu turdagi o‘tlarni har kuni iste’mol qilish kerak. Ulardan ba’zilari choyga qo‘shiladi yoki mustaqil ravishda damlanadi.
- Petrushka tarkibida ko‘p miqdorda C vitamini mavjud bo‘lib, u organizmdagi yog‘larning erishini tezlashtiradi. Va bu ko‘kat diuretik ta’sirga ega, bu ham vazn yo‘qotish jarayonida muhim ahamiyat kasb etadi.
- Shivitni ich qotishining oldini olishda iste’mol qilish tavsiya etiladi, u meteorizm va qorin dam bo‘lishini kamaytiradi. Sog‘lom vazn yo‘qotish haqida gap ketganda, ichaklar faoliyatining yaxshi tashkil etilgan funksiyasi — mutazam ishlab turgan metabolizmdir.
- Bazilik taninlarga, tanin kislotasining hosilalariga boy, ular metabolizmni tezlashtiradi va organizmdagi yog‘ hujayralari sonini kamaytiradi. Choyga yalpiz qo‘shsa bo‘ladi, chunki uning tarkibida ham biriktiruvchi tanin kislotasi mavjud.
Foto: Google Images - Yalpiz ishtahani kamaytirishga yordam beradi va shakarga bo‘lgan ishtiyoqni kamaytiradi. Yalpiz, shuningdek, limfa tizimini rag‘batlantiradi va shish paydo bo‘lishining oldini oladi.
- Moychechak asosan ovqat hazm qilish tizimini tinchlantirish va shishishni kamaytirish uchun tabiiy vosita sifatida ishlatiladi. Biroq yallig‘lanishga qarshi ta’siri tufayli romashka metabolik jarayonlarni rag‘batlantiradi, shuningdek, yog‘ erishini tezlashtirishga yordam beradi.
