Puldordan so‘rashdi:
— Suyuqoyoqning xizmatidan foydalanish uchun hayotingizda bir marta bo‘lsin chopganmisiz?
— Yo‘q, hech qachon chopmaganman. Shoshilmasdan, asta-asta, imi-jimida borganman.
* * *
Tungi qimorxona qo‘riqchisi erkakka dedi:
— Kechirasiz, sizni qimorxonaga kirita olmayman.
— Nega?
— Bo‘yinbog‘ taqmagansiz.
— Ana, anavini qairang, qip-yalang‘och-ku!
— To‘g‘ri, ammo u kirmayapti, chiqib ketyapti.
* * *
Qora bozorda.
— Oka, mana shu soatni sotib oling! Shveysariya soatining asl nusxasi bu!
— Shunaqami? Mayli, olaman. Mana sizga AQSh dollarining asl nusxalari!
* * *
Muallima o‘quvchidan so‘radi:
— Toshmatov, maktabni bitirgach, kim bo‘lmoqchisan?
— Kosmonavt.
— Kosmonavt bo‘lish uchun uzoq vaqt va a’lo baholarga o‘qish kerak!
— Ishonmayman. Ana, Belka va Strelkayam umuman o‘qimasdan kosmonavt bo‘lgan!
* * *
Xotin erini urishyapti:
— Qachongacha begona ayollarga chopasiz-a? Uch bolamiz bor, ammo hali birontasigayam otalik qilolmagansiz!
* * *
Boyvachchaning o‘g‘li otasidan so‘radi:
— Dada, sevgan qizim ikkalamizga kechqurun mashinangizni berib tura olasizmi?
— Ha, ammo mashinaning bir gramm ham benzini qolmagan.
— Bizga benzinning keragiyam yo‘q.
* * *
Tillerson Moskvaga kelgach, Lavrovdan so‘radi:
— Nega may oyidayam sizlarda havo sovuq?
— Chunki bizda may oyida qisholcha gullaydi.
— E, nega ekasizlar unda o‘sha qisholchani?
* * *
— Salom, Eshmatov!
— Kechirasiz-u, opa, men Eshmatovmas, Naziraman!
— Nazira-pazirani bilmayman. Erimning telefoniga Eshmatov deb saqlangansan!
* * *
Qandolat mahsulotlari do‘koniga eski mijozlardan biri kirib sotuvchiga dedi:
— Xotinimning tug‘ilgan kuniga maxsus tort tayyorlab bersangiz!
— Shami nechta bo‘lsin?
— Nechta bo‘lardi? Har doimgidek 25 ta.
* * *
Taksilar to‘xtaydigan joyga yopishtirilgan e’londan:
— 31 dekabr kuni soat tungi 02: 00 da meni Markaziy bozor ko‘chasidagi uyimga olib borib qo‘ygan taksi haydovchisi! Sizga tushayotib ortiqcha haq to‘lab qo‘yibman! Zudlik bilan teri-tanosil xastaliklari vrachiga uchrashing!
Olimjon HAYIT tayyorladi
Manba: hordiq.uz “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Olimlar o‘quvchilarning familiyasidagi bosh harf ularning bahosiga ta’sir qilishini aniqladi
Futzal. Osiyo Kubogi. Tojikiston Yaponiyani guruhda qoldirdi
Germaniyaning Knauf kompaniyasi Rossiyadan butunlay chiqib ketishini tasdiqladi
Ramzan Qodirovning 19 yoshli qizi medal bilan taqdirlandi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
O‘zbekistonda o‘tgan uch oyda qancha avtomobil ishlab chiqarilgan?
Zohida Umarova nima sababdan o‘g‘li va kelini bilan birga yashamasligini aytdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi