Bugun sizlar uchun taqdim etadigan retseptlarimiz nafaqat kundalik chanqog‘ingizni qondirish uchun, balki bayram tantanalaringizda dasturxoningizga ko‘rk bag‘ishlash uchun ham asqotadi. «Yon daftar»ingizga saqlab qo‘ying.
KLASSIK LIMONAD
Masalliqlar:
3 dona yirik limon;
1 dona apelsin;
4–5 osh qoshiq shakar;
700 ml suv;
350 ml gazlangan suv.
Tayyorlanish usuli:
Apelsin va limonlarni po‘stini artib, sharbatini siqib chiqaring. Barcha masalliqlarni kastryulga soling. 3 osh qoshiq shakar va 700 ml qaynoq suv quying. Sovutib, 4-5 soatga muzlatgichga qo‘ying. So‘ng suzib oling va qolgan shakar bilan gazlangan suvni qo‘shing. Limon bo‘laklari va yalpiz bilan bezating.
MALINALI LIMONAD
Masalliqlar:
1 stakan malina (taxminan 170 g);
1 dona limon;
100 g shakar;
800 ml sovuq suv + yana 200 ml qiyom uchun;
muz, yalpiz va bezatish uchun malina donalari.
Tayyorlanish usuli:
200 ml suv va shakarni qaynatib, qiyom tayyorlab olamiz. Qiyomga malinani solib, yaxshilab ezamiz. Malinaning urug‘idan qutulish uchun qiyomni elakdan o‘tkazib olish kerak bo‘ladi. Qiyom sovugach, limonning sharbatini ezib chiqaramiz va unga qo‘shamiz. Qolgan suvni ham qiyom bilan aralashtirib, muz, malina donalari va yalpiz bilan bezatamiz.
OLChALI LIMONAD
Masalliqlar:
1 dona yirik limon;
2 dona apelsin;
3–4 dona yalpiz shoxchasi;
100 ml qiyom;
muz;
gazlangan suv.
Tayyorlanish usuli:
Bitta apelsinning yarmini va limonning to‘rtdan birini bo‘laklarga bo‘lib olamiz. Qolganidan sharbatini ezib, chiqaramiz. Grafinga meva sharbati va qiyomni quyamiz, yalpizni kaftimiz bilan ezib, solamiz. Grafin yarim bo‘lgunga qadar muz qo‘shamiz. Qolganini gazlangan suv bilan to‘ldiramiz. Meva bo‘laklari va yalpiz bilan bezatamiz.
YaLPIZLI LIMONAD
Masalliqlar:
250 ml suv;
125 g shakar;
4–5 dona yalpiz shoxchasi;
2 dona apelsin;
1 dona limon;
1 l «Sprayt» yoki gazlangan suv.
Tayyorlanish usuli:
Shakarni kastryulga solamiz va suv qo‘shib, qaynab chiqishni kutamiz. 5 daqiqa davomida qaynagach olovni o‘chiramiz va qiyomga yalpiz solib, sovutishga qo‘yamiz. Limon va apelsinlarning sharbatini ezib, qiyomga (yalpizni olib tashlaymiz) qo‘shamiz va gazlangan suv yoki «Sprayt» bilan aralashtiramiz. Muz bo‘laklari, yalpiz va sitrusli mevalar bilan tortamiz.
ShAFTOLILI LIMONAD
Masalliqlar:
3 dona shaftoli;
2 dona laym;
2 dona limon;
4–5 osh qoshiq shakar;
1 l sovuq suv;
muz.
Tayyorlanish usuli:
Shaftolini po‘stini artib, danagini olib tashlaymiz. Bo‘laklarga bo‘lib, idishga solamiz. Shu idishga ezilgan laym va limonlar sharbatini quyamiz, shakar qo‘shamiz. Suv quyib, blenderda yaxshilab ezamiz. Muz bo‘laklari bilan tortamiz.
Bu ichimliklar yozning jaziramasini osonroq yengishga juda qo‘l keladi. Oilangiz va yaqinlaringiz uchun tayyorlab ko‘ring. Va albatta, retseptlarni do‘stlaringiz bilan bo‘lishing!
“Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Pentagon Ukraina yuzasidan kutilmagan muammoga duch keldi
Joze Mourino Yevro—2024 favoritlarini sanab o‘tdi
Hokimlik xodimi firibgarlik ortidan qo‘lga tushdi
AQSH Rossiyaga qarshi yangi sanksiyalar kiritdi
Yashirin iqtisodiyot bo‘yicha qaror loyihasi Tadbirkorlik kengashi takliflari asosida qayta ko‘rib chiqiladi
Kecha O‘zbekiston olimpiya terma jamoasiga g‘alaba uchun nima yetishmadi?
Germaniyada Rheinmetall qurol kompaniyasi rahbarining dachasi yoqib yuborildi