Oʻzingizni har tomonlama yaxshilash uchun yordam beradigan oddiy harakatlar.
1. Rejalashtirgan vaqtingizda uygʻoning
Agar budilnikni 6:30 ga qoʻygan boʻlsangiz, u jiringlashi bilan oʻrningizdan turing. Bu nima uchun muhim? Bu aynan shu kuni bajarishingiz kerak boʻlgan birinchi vaʼdangiz.
2. Ish kunini aniq tashkillashtiring
Tongdagi odatiy harakatlar oʻzingizga tezroq kelib, ishga kirishishingizda yordam beradi. Dush. Tishlarni yuvish. Soch turmagi. Bundan tashqari, bugungi kunga mos kiyim ham muhim.
Yodingizda boʻlsin, kiyim ham muayyan kayfiyat yaratadi.
Foto: Pexels
3. Meditatsiya qiling
Dushdan keyin bajarilishi kerak boʻlgan eng yaxshi mashgʻulot. Sukunatda oʻtirish uchun 5-10 daqiqa toping.
Oʻzingizga quloq soling. Bu sizga kunni qanday boshlayotganingizni tushunishga yordam beradi.
Meditatsiyaga 5 daqiqa ajratib, kunni qanday boshlash, uni samarali oʻtkazishni tushunasiz.
4. Vaqtida ovqatlaning
Belgilangan muayyan vaqtda ovqatlaning. Bu tushlikni oʻtkazib yubormaslik va kun davomida isteʼmol qilishni unutmaslikka yordam beradi.
Odat yaratishga harakat qiling. Avvaldan tayyorlab qoʻyilgan sogʻlom ovqatni isteʼmol qilsangiz, hatto oʻta band jadval bilan ham salomatlikni saqlashga muvaffaq boʻlasiz.
Foto: Pexels
5. Kichik tanaffuslarni foydali oʻtkazing
Kun davomida kichik tanaffuslar boʻladi. Ularni ijtimoiy tarmoqlarni tekshirish, YouTubeʻda video koʻrish va boshqa befoyda ishlarga sarflashga odatlanganmiz. Smartfondagi bunday ilovalarni birlashtirib, “Hayotimning xarajatlari” nomiga birlashtiring.
6. Yodda tuting: boʻsh vaqt bu – boʻsh vaqt
Bu “boʻsh vaqt” “yangi loyihalar bilan ishlash” emasligini unutib qoʻyadiganlar uchun maslahat. Bu vaqtni ishga sarflash kerak emas.
Boqqa sayr qilish uchun borish, eski doʻstingiz bilan koʻrishish, doʻstlar va oila aʼzolari bilan stol tennisi oʻynash, buvisiga qoʻngʻiroq qilish, qiziqarli film tomosha qilish.
Ishdan boʻsh vaqtni kunlik jadvalning ajralmas qismi sifatida qabul qilish miyangizni qayta ishga tushirish, ishga ishtiyoq bilan qaytishda yordam beradi.
Foto: Pexels
7. Mablagʻingizni nazorat qiling
Mablagʻ koʻp zoʻriqish va xavotirni uygʻotadi. Biroq zoʻriqishni pullar emas, moliyaviy ishlardagi xaos, ularni qanday boshqarishni tushunmaslik keltirib chiqaradi.
Vaziyatning xoʻjayiniga aylanish uchun pul bilan ishlashni oʻrganing.
Agar uzoq oʻrmonga ketib, u yerda ovchilik va terish bilan kun kechirmoqchi boʻlmasangiz, pul – umringizning soʻnggi kuniga qadar hayotingizning bir qismi boʻlib qolaveradi.
Shuning uchun vaqtingizni soliq, sarmoya kiritish, omonat va kreditlar toʻgʻrisidagi asosiy maʼlumotlarni oʻrganishga sarflang. Bir haftada, ikki haftada yoki bir oyda bir marta mablagʻlaringizni tahlil qiling va pulingiz qayerga ketayotganini kuzating.
8. Yangi insonlar bilan uchrashing
Yangi insonlar bilan muloqot kishida ilhom uygʻotadi. Balki,kimdir sizning blogingizni doimiy ravishda oʻqib borar? Ularga email yozing. Balki, siz undan biror nima oʻrganishni istaydigan mahalliy tadbirkor bordir? Uni qahvaga taklif qiling.
Muloqot doirangiz qanchalik keng boʻlsa, aloqalaringiz sabab ahamiyatingiz ortib boradi. Shuningdek, bu koʻp narsalarga boshqa nuqtadan nazar solish imkonini ham beradi. Biror kimsa bilan uchrashganda yolgʻiz emasligingizni his qilasiz, maqsad sari yanada olgʻa qadam tashlaysiz.
Foto: Pexels
9. Oʻzingizni siylang
Rohat – hayotning bir qismi. Intizom koʻp narsani anglatadi, biroq oqimga qayta tushish uchun baʼzida oʻzingizni “qoʻyib yuborishingiz kerak”.
Qulaylik zonasidan chiqing va oʻzingizni biroz siylang. Shu bilan birga yangi narsa oʻrganing.
Biror kishini uchrashuvga chaqiring. Shaharning narigi burchagidagi qahvaxonaga boring. Yangi muzeyga tashrif buyuring.
Oldingizga maqsad qoʻyib, u tomonga harakatlanayotganda bunday onlarni oʻtkazib yuborish juda oson. Biroq aynan ular hammasidan koʻproq esda qoladi. Sizni baxtli qilib, hayotni chuqurroq anglashga undaydi.
Foto: Pexels
10. Uxlashdan oldin kundalik yozing
Kundalikka bir necha qator narsa yozish odatingizga aylansin. Boshingizdan oʻtkazgan tajriba yoki rejalaringiz haqida yozishingiz mumkin. Nima yozishingiz muhim emas, biroq yozishning oʻzi ahamiyatga ega.
Oʻtgan chorshanbada nima boʻlgani esingizdami? Ikki oy oldingi voqealar-chi? Kunlar bir chiziqqa tiziladi, faqat yorqinlarigina esda qoladi. Kundalik tutish odati yoqimli mayda narsalar, shaxsiy fikrlar, sevimli kitoblardan iqtiboslarni saqlashda yordam beradi.
Kundalikni oʻqiganingizda fikrlash tarzingiz, oʻtmishdagi maqsad va istaklaringizni koʻrasiz. Hozirgi paytda erishganlaringiz bilan taqqoslab, qimmatli xulosa chiqarasiz.
Manba: Kun.uz “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Bosh kiyimsiz yurishning organizmga qanday ta’siri bor?
Erdo‘g‘on: “Turkiya G‘azo mojarosi tugamaguncha Falastinni qo‘llab-quvvatlaydi”
Medvedev Rossiya NATO harbiy bazalariga zarba yo‘llashi mumkinligini istisno qilmadi
O‘zbekistonda onkologik kasallikka chalingan ayollar bepul davolanadi
Organizmda qaysi turdagi vitamin yetishmayotganini qanday aniqlash mumkin?
Endi «Doimiy yashash joyiga ro‘yxatga qo‘yish» qulaylashdi (video)
Gretsiyada minglab odamlar NATOga qarshi namoyish o‘tkazdi
Slovakiya bosh vaziri Putinning taklifini qabul qildi
