Har qanday ezgu ishni boshlar ekansiz, avvaliga juda qiyin bo‘ladi. Ilm talab qilish bo‘lsin, namozni davomli o‘qish, tunda tahajjudga turish bo‘lsin, nafl ro‘zalar bo‘lsin, sadaqa berish bo‘lsin – har qanday xayrli amal boshida qiyinchilikka to‘la og‘ir ishdek tuyuladi. Agar sabr bilan davom etsangiz, oz-ozdan biroq davomli ravishda bajarib borsangiz, asta-sekinlik bilan o‘sha ish sizning odatingizga aylanadi. Odatga aylangach, uning qiyinchiligi kamayib, rohatini ko‘ra boshlaysiz. Haftalar, oylar, ba’zida yillar davomida o‘sha ishni qoldirmasangiz, bir kun kelib endi u odatgina emas, tabiatingizga, xulqingizga, sizning bir qismingizga aylanib qoladi.
Ilm olish tabiati, borlig‘i bo‘lgan kishi albatta olim bo‘ladi, insha Alloh. Namoz, ro‘za, sadaqa kabi buyuk amallarni xulqiga aylantira olgan kishi esa dinning rohatiga ko‘milib, iymon va Islom halovatida yashaydigan bo‘ladi.
Bu xuddi to‘xtab qolgan mashinani itarishga o‘xshaydi. Boshida qiyin, keyin esa asta-sekin osonlashib boradi, oxirida mashina o‘z-o‘zidan harakat qilaveradi, siz unga o‘tirib (minib), rohatda manzilga yetib olasiz. Endi agar ozroq itarib, harakatlanishni boshlagan paytida, "dam olvolay" desangiz, yana yangidan boshlashning qiyinchiligiga chidashingiz kerak bo‘ladi, maqsadga erisha olmaysiz.
Unutmangki, siz bozordasiz. Bu bozorda Jannat va undagi cheksiz rohatlar sotiladi. Sizning qo‘lingizda bor narsa esa arzimas narsa – joningiz va vaqtingiz. Hozir ikkalasini ushbu bozorning eng qimmatli narsalariga almashtirib olmasangiz, bu ikkalasi baribir sizda qolmaydi. Vaqtingizni har lahzada evaziga tuzukroq narsa olmay yo‘qotib boryapsiz. Joningizni ham bir kun yo‘qotishingiz muqarrar. Vaqtingizni xayrli ishlarga almashtirib, Oxirat savdosini qilib olmaysizmi?!
Vaqtingiz borida, sog‘lom va tirik ekaningizda fursatni qo‘ldan chiqarib, Oxiratda "Ey Alloh, dunyoga qaytar, ozroq sadaqa qilib olay" deysizmi?! Alloh sizga qaytish yo‘q ekanini va’da qildi-ku!
Alloh barchamizni ikki dunyomiz uchun manfaatli ishlarda bardavom qilsin! Vaqtini arzon narsalarga sotib yubor(ayot)gan badbaxt kimsalar qatorida bo‘lib qolishimizdan O‘zi asrasin!
Manba: Azon.uz “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
100 mln so‘mgacha bo‘lgan kreditlar soddalashtirilgan tartibda ajratiladi
Medvedev Rossiya NATO harbiy bazalariga zarba yo‘llashi mumkinligini istisno qilmadi
Germaniya razvedkasi rahbari: “Rossiya yaqin yillarda NATOga hujum qilishi mumkin”
Organizmda qaysi turdagi vitamin yetishmayotganini qanday aniqlash mumkin?
Eron Isroil bilan keng ko‘lamli urushga tayyorligini ma’lum qildi
Gretsiyada minglab odamlar NATOga qarshi namoyish o‘tkazdi
Endi «Doimiy yashash joyiga ro‘yxatga qo‘yish» qulaylashdi (video)
Erdo‘g‘on: “Turkiya G‘azo mojarosi tugamaguncha Falastinni qo‘llab-quvvatlaydi”
