Agar buni haftasiga bor-yo‘g‘i 2,5 soat bajarsangiz, vaqtidan ilgari o‘lim ehtimolini deyarli 30 foizga kamaytirasiz. Bundan tashqari, yurak qon-tomir kasalliklariga chalinish ehtimoli ham 20 foizga kamayadi. Gap jismoniy faollik haqida bormoqda.
2003 yildan 2010 yilga qadar yetti yil mobaynida kanadalik olimlar jismoniy faollikning hayotimizdagi o‘rnini o‘rganish bo‘yicha tadqiqot olib borishdi. Unda 35 yoshdan 70 yoshgacha bo‘lgan 130 mingta odam ishtirok etdi. Ular turli mamlakat vakillari bo‘lib, hayot darajalari ham turlicha edi.
Tadqiqot yakuni juda qiziq. Agar yurak qon-tomir kasalliklari, infarkt yoki insultning yuzaga kelishi ehtimolini kamaytirishni istasak, harakatlanishimiz lozim. Haftasiga hech bo‘lmaganda 150 daqiqa (2,5 soat). Har qanday jismoniy faollik hisobga olinadi. Bu odatiy uy tozalash yoki sayr bo‘lishi mumkin. Albatta, sport zalida ham shug‘ullanish mumkin – ortiqchalik qilmaydi. Sog‘lik nuqtai nazaridan har qanday faollik to‘g‘ri keladi.
Foto: Pexels
Zamonaviy hayotda tobora «o‘tirish holatidagi hayot tarzi»ga amal qilmoqdamiz. Bunga ofisdagi ish va jamoat hamda shaxsiy transport tizimining rivojlanishi sabab bo‘lmoqda. Faol turmush tarziga oid ko‘plab tadqiqotlar o‘tkazilishiga qaramay, odam tobora «ko‘p o‘tirishda davom etyapti». Natijada ortiqcha vazn, ko‘plab kasalliklarga moyillik yuzaga kelmoqda.
Haftasiga 150 daqiqa – kuniga 20 daqiqadan biroz ortiq degani. Ko‘pchilikning jismoniy faolligi undan ham kamroq. Bu vaqt davomiyligini oshirish bo‘yicha maslahatlar quyidagilardan iborat:
- Ishgacha hech bo‘lmaganda bir bekat piyoda yuring;
- Zinalar hisobiga liftlardan voz keching;
- Agar mashinada yursangiz, mashinangizni ishxona yoki uchrashuv joyidan uzoqroqda qoldiring;
- Do‘konga piyoda boring;
- Kechki payt piyoda yurish uchun 10 daqiqa vaqt ajrating.
Agar bu bandlardan bir nechtasini bajarishga harakat qilsangiz, jismoniy faolligingiz ortadi. Aytgancha, harakatning yana bir ijobiy jihati zo‘riqishni yengishda yordam beradi. Kechki mahaldagi sayr kishiga xotirjamlik baxsh etadi. Sinab ko‘ring!
Foto: Pexels
Siz harakat haqida qanday fikrdasiz? Kuniga hech bo‘lmaganda 5 ming qadam bosib o‘tasizmi?
Manba: Kun.uz “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
100 mln so‘mgacha bo‘lgan kreditlar soddalashtirilgan tartibda ajratiladi
Medvedev Rossiya NATO harbiy bazalariga zarba yo‘llashi mumkinligini istisno qilmadi
Germaniya razvedkasi rahbari: “Rossiya yaqin yillarda NATOga hujum qilishi mumkin”
Organizmda qaysi turdagi vitamin yetishmayotganini qanday aniqlash mumkin?
Eron Isroil bilan keng ko‘lamli urushga tayyorligini ma’lum qildi
Gretsiyada minglab odamlar NATOga qarshi namoyish o‘tkazdi
Endi «Doimiy yashash joyiga ro‘yxatga qo‘yish» qulaylashdi (video)
Erdo‘g‘on: “Turkiya G‘azo mojarosi tugamaguncha Falastinni qo‘llab-quvvatlaydi”
