Biz tinchlanish va ayni fursatda o‘zimizni yaxshiroq his etish uchun o‘zimizga o‘zimiz yolg‘on gapiramiz. Bu esa kelajagimizga salbiy ta’sir ko‘rsatadi.
1. Y ga aylanish uchun menga X kerak
Baxtli bo‘lish uchun hozirning o‘zida barcha kerakli narsalarga egaligimizga ishonishimiz qiyin. Buning uchun yana bir muvaffaqiyat va yana bir o‘zgarish kerakdek tuyuladi. Biroq bu noto‘g‘ri fikr.
Qanchalik ko‘p muvaffaqiyatga erishsak, qoniqish hissini shunchalik kam his etamiz. Shuning uchun ham doimiy ravishda o‘zingizda bor narsalar haqida eslash va hozirgi kun bilan yashash kerak. Muvaffaqiyat sevimli mashg‘ulot bilan shug‘ullanganimizda qo‘shimcha holat sifatida paydo bo‘ladi.
Hayotingizda biror narsani o‘zgartirish kerakdek tuyulishi mumkin. Xuddi biror voqea sodir bo‘ladi-yu, siz va nihoyat baxtli odamga aylanasiz. Biroq hayotimizdagi o‘zgarishlar o‘zimizga o‘zgacha nazar solib, baxt uchun bizning ruxsatimizdan boshqa hech narsa kerak emasligini tushunganimizda paydo bo‘ladi.
2. Dunyo menga ana shunday qilib berishi kerak
Nima uchun biror narsaga loyiq ekanligingizni o‘zingizdan so‘rang. Siz badavlat va muvaffaqiyatli bo‘lishingiz kerak. Nima uchun? Bunga loyiq bo‘lish uchun nima qildingiz? Bunga erishish uchun qancha ishladingiz? Odamlar bilan ijobiy munosabatlarga ega bo‘lishingiz lozim. Nima uchun? Odamlarga qanday munosabatdasiz? O‘z ustingizda ishlaysizmi yoki boshqa odam ideal bo‘lishini kutyapsizmi, siz o‘zgarishingiz kerakmasmi?
Hammamizning diqqatimiz o‘zimizga qaratilgan. Barchamiz muvaffaqiyatli, baxtli, badavlat, sevimli bo‘lishni istaymiz. Busiz iloji yo‘q, ana shunday yaratilganmiz. Biroq hayot sizga biror narsa qilib berishi kerak deb hisoblaganda hafsalangiz pir bo‘lishiga qarab ketayotganingizni unutmang.
Fond bozorida qimmatli qog‘ozlarga pul tikmay daromad kutmaysiz-ku. Shunday ekan, nima uchun muvaffaqiyat uchun harakat qilmay turib, barcha istaklaringiz ijobat bo‘lishini kutasiz?
Biror narsa haqida orzu qilsangiz, u sodir bo‘lmasa, o‘zingizdan so‘rang: «Qo‘limdan kelganini qildimmi? Vaqtni tejashga harakat qilib, biror narsani ko‘zdan qochirmadimmi? Balki sabr qilishim kerakdir?»
3. Qo‘limdan hech narsa kelmaydi
Muayyan tarzda yashayotganda hech narsani o‘zgartirolmaydigandek tasavvur paydo bo‘ladi. Qo‘lingizdan kelganlarning bariga erishganingizni takror va takror eshitganda yanada ko‘prog‘ini uddalay olishga ishonish mushkul.
Biroq o‘tmishingiz kelajakni belgilamasligi kerak. Hammaning hayotida ham og‘ir fursatlar bo‘ladi. Juda qattiq istak mavjud bo‘lsa, hayotni va o‘zingizni o‘zgartirishingiz mumkin. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on: “Turkiya G‘azo mojarosi tugamaguncha Falastinni qo‘llab-quvvatlaydi”
Slovakiya bosh vaziri Putinning taklifini qabul qildi
Organizmda qaysi turdagi vitamin yetishmayotganini qanday aniqlash mumkin?
Medvedev Rossiya NATO harbiy bazalariga zarba yo‘llashi mumkinligini istisno qilmadi
Gretsiyada minglab odamlar NATOga qarshi namoyish o‘tkazdi
Endi «Doimiy yashash joyiga ro‘yxatga qo‘yish» qulaylashdi (video)
O‘zbekistonda onkologik kasallikka chalingan ayollar bepul davolanadi
Bosh kiyimsiz yurishning organizmga qanday ta’siri bor?
