Foto: «Cafecaravan.ru»
Ma’lumki, choy chanqoqni qondiradi, qarish jarayonini sekinlashtiradi va qon tomirlarni mustahkamlaydi. Biroq dunyo olimlari choy ichish sog‘liq uchun xavfsiz emas, deb hisoblaydi. Buning o‘ziga yarasha sabablari bor, deb yozadi «Xabar.uz» nashri.
Choy harorati
Britaniyalik jarrohning xulosasiga ko‘ra, kuydiruvchi ichimlikni iste’mol qilish burundan qon ketishga olib keladi.
Eng maqbul harorat — 60 daraja.
Ichimlikning quyuqligi
Angliyada tibbiyot jurnali quyuq choy ichishni yoqtiruvchi odamlarning tarixini chop etdi. Ularning ko‘pchiligi suyaklarining mo‘rtligi hamda tishlarining to‘kilib ketganidan shikoyat qilishgan.
Kuniga 5 piyola choy ichish tavsiya etiladi. Bundan ortig‘i suyak to‘qimasidagi ftorning yuvilib ketishiga sabab bo‘ladi.
Paketchali choy
Kanadalik olimlar paketchali ichimlik tarkibida og‘ir metallar borligini aniqlashdi. Gap shundaki, plantatsiyalar ko‘pincha zararli korxonalar yonida joylashadi.
Paketchali choyni uch daqiqadan ortiq damlamaslik tavsiya etiladi. Choy qancha ko‘p dam yesa, metall zarralari shuncha ko‘p ichimlikka tushadi.
Eng yaxshisi — oq choy ichish: yosh novdadan tayyorlanadi. Barglari zararli moddalarni o‘ziga shimib olishga ulgurmaydi.
Choy va jigar
Giyohli choy bolalar va homilador ayollarning jigari uchun xavfli. Bunga gullaydigan o‘simlik ishlab chiqaradigan toksinlar aybdor. Katta yoshli odam uchun bu moddalar halokatli ta’sir ko‘rsatmaydi. Asosan vazni kamligi bois emizikli go‘daklar va embrionlar aziyat chekishadi.
Choy va temir
Amerikalik olimlar choy ichish bilan temir yetishmasligi o‘rtasidagi o‘zaro bog‘liqlikni aniqlashdi. Ovqatlangan zahoti choy ichish tavsiya etilmaydi: suyuqlik foydali elementlarni shimib oladi.
Choyni, yaxshisi, ovqatlanishlar orasida ichgan ma’qul.
Uyqusizlik
Choy tetiklashtiruvchi ichimlik hisoblanadi. Shu bois uni ertalab yoki tushda ichgan ma’qul. Kechasi kofein uyquni qochiradi yoki odam uxlashga qiynaladi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonda onkologik kasallikka chalingan ayollar bepul davolanadi
Slovakiya bosh vaziri Putinning taklifini qabul qildi
Bosh kiyimsiz yurishning organizmga qanday ta’siri bor?
Medvedev Rossiya NATO harbiy bazalariga zarba yo‘llashi mumkinligini istisno qilmadi
Endi «Doimiy yashash joyiga ro‘yxatga qo‘yish» qulaylashdi (video)
Organizmda qaysi turdagi vitamin yetishmayotganini qanday aniqlash mumkin?
Gretsiyada minglab odamlar NATOga qarshi namoyish o‘tkazdi
Erdo‘g‘on: “Turkiya G‘azo mojarosi tugamaguncha Falastinni qo‘llab-quvvatlaydi”
