Xandon pista eramizdan oldingi asrlarda ham iste’mol qilingan. Ular boylik va farovonlik ramzi hisoblangan. Xandon pistaning foydali xususiyatlari hozirgi kunda ham sog‘lik va go‘zallik uchun qo‘llaniladi.
Xandon pista antioksidantlar, foydali yog‘lar manbasidir. Shuningdek, uning tarkibida ozuqaviy tolalar, oqsil, kalsiy va fosfor, asablarni tinchlantiruvchi B vitaminlar guruhi hamda Ye vitamini mavjud.
Xandon pistaning foydali xususiyatlari
Yurak sog‘lomligini ta’minlaydi
Xandon pista zararli xolesterin miqdorini kamaytiradi. Shuningdek, uning antioksidantlarga boyligi, tarkibida A va Ye vitaminlarga ega ekanligi yallig‘lanishning oldini olib, qon tomirlarini himoya qiladi, shu tariqa yurak-qon tomirlari xastaliklariga chalinish xavfini kamaytiradi.
Asablarni tinchlantiradi
Xandon pista tarkibidagi B6 vitamini asab tizimining to‘g‘ri ishlashida muhim rol o‘ynaydi. B6 vitamini asab tolalari o‘rtasidagi impulslarning to‘g‘ri yetkazilishini ta’minlovchi miyelinning shakllanishida bosh rolni bajaradi. Shuning uchun B6 vitaminining yetishmovchiligi turli asab buzilishlari, uyqusizlik, xotira bilan bog‘liq muammolar, hattoki, ruhiy buzilishlarga ham olib keladi.
Ko‘z uchun foydali
Xandon pista lyutein va zeaksantinga ega. Ular ko‘z gavhari va to‘r pardasining markaziy qismida to‘planib, ularning himoya qobig‘ini mustahkamlaydi va ko‘z kasalliklaridan himoya qiladi. Inson organizmi o‘zi lyutein va zeaksantin ishlab chiqara olmaydi, shuning uchun ratsionimizda ularning zarur miqdorini ta’minlash lozim.
Immun tizimini mustahkamlaydi
Xandon pistani muntazam iste’mol qilish organizmning tashqi ta’sirlarga qarshiligini oshirishi isbotlangan. Unda immun tizimi faoliyati uchun muhim sanalgan foliy kislotasi, biotin, riboflavin, niatsin vitaminlari hamda fosfor, kaliy va magniy kabi minerallar mavjud.
Terini yoshartirish xususiyatiga ega
Xandon pista Ye vitaminining boy manbasi sanaladi. Mazkur vitamin esa sog‘lom teri uchun eng muhim vitaminlardan biri hisoblanadi. U terining qurishi va qarilikda paydo bo‘luvchi dog‘larning oldini oladi. Yoz oylarida uni ko‘proq iste’mol qilish zarur.
Moddalar almashinuvini yaxshilaydi
Xandon pista tarkibida boshqa yong‘oq turlarida bo‘lgani kabi ko‘p yog‘ mavjud. Ular o‘simlik yog‘i bo‘lishiga qaramasdan, ularni iste’mol qilishda ham me’yordan oshirish yaramaydi. Ozuqaviy tolalari hisobiga pista ozishda yordam beradi. U organizmni uzoq vaqt davomida to‘q tutadi. To‘yinmagan yog‘ kislotalari esa moddalar almashinuvini tartibga soladi va organizmda ortiqcha yog‘ to‘planishining oldini oladi.
Kamqonlikda foydali
Xandon pista tarkibida ko‘p miqdorda temir moddasi mavjud. Shuning uchun uni kamqonlikda iste’mol qilish tavsiya etiladi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
BAAda isroillik ravvin o‘ldirib ketildi
Ukraina Kursk oblastida egallab olgan hududlarining 40 foizdan ortig‘ini yo‘qotdi
Medvedev: Maxsus harbiy operatsiya uchun qurollarning aksariyati Rossiyada ishlab chiqariladi
Olimlar psixoz tashxisini qo‘yishga yordam beradigan yangi biomarkerni aniqladi
Gretsiyada minglab odamlar NATOga qarshi namoyish o‘tkazdi
Yevropa Chempionlar Ligasining 5-turida qanday natijadar qayd etildi?
O‘zbekistonda kelasi hafta boshida qanday ob-havo bo‘lishi ma’lum qilindi
Prezident kubogi. Abdusattorov - Sindarov bahsi yakunlandi
