Foto: Getty Images
Gemoglobin − eritrotsitlardagi qizil qon tanachalarining asosiy tarkibiy qismidir. Uni tanadagi eng muhim moddalardan biri deb atash mumkin. Chunki u gaz almashinuvida muhim rol o‘ynaydi.
Gemoglobin ikki tarkibiy qismdan iborat − oqsil globin va gem shaklidagi temir. Gemoglobin darajasining pastligining eng keng tarqalgan sababi tanadagi temir tanqisligidir. Agar bu yetishmovchilik juda katta bo‘lsa, temir tanqisligi anemiyasi tez rivojlanishi mumkin. Bu surunkali bosh og‘rig‘i, zaiflik, diqqatni jamlay olmaslik, charchoq, hushdan ketish va hatto yurakdagi og‘riq bilan birga kuzatiladi.
Anemiya paydo bo‘lishining oldini olish uchun tanadagi temir miqdorini kuzatib borish kerak. Boshqa ko‘plab mikroelementlardan farqli o‘laroq, temir oziq-ovqat tarkibida juda ko‘p miqdorda bo‘ladi va foydali mahsulotlar yordamida uning yetishmovchiligini osongina bartaraf etish mumkin.
Ko‘pincha temir moddasi jigar, go‘sht tarkibida bo‘ladi. Tananing temirga bo‘lgan ehtiyojini deyarli to‘liq qoplash uchun uning ozgina qismi ham yetarli. Ro‘yxatda keyingi o‘rin dengiz mahsulotlarini, ayniqsa, mollyuska va midiyalar turadi. Shu sababli vegetarianlar tanadagi temir miqdorini kuzatishda juda ehtiyot bo‘lishi va ehtimol, ratsionni to‘g‘ri tuzish uchun shifokorga murojaat qilishi kerak.
O‘simliklardan esa spirulina va quritilgan qo‘ziqorinlar tarkibida temirning eng yuqori moddasi mavjud. Ular temirdan tashqari tanani turli xil minerallar − kalsiy, magniy, sink, vitamin va antioksidantlar bilan ta’minlaydi. Bu nafaqat anemiyadan saqlanish, balki organizmga ijobiy ta’sir ko‘rsatadi. Shu jumladan, qarishni ham sekinlashtiradi.
Bundan tashqari, temir moddasini ismaloq, anor, olma, dukkakli o‘simliklar, kinoa va tofu pishlog‘idan olish mumkin. Eng muhimi, ratsionni foydali mahsulotlar bilan boyitishni unutmaslik zarur. Shundagina anemiya bilan bog‘liq boshqa kasalliklar tahdid sola olmaydi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi
Ortiqcha vaznli insonlar uchun sog‘lom ovqatlanishning beshta muhim qoidasi
AQSHning G‘azodagi siyosatidan norozi Davlat departamenti rasmiysi iste’foga chiqdi
Lukashenko G‘arbga tahdid bilan chiqdi