3 193
Ozish va kayfiyat a’lo bo‘lishi uchun qanday mahsulotlar bilan nonushta qilish kerak?
Foto: Freepik
Kunning o‘tishi, salomatlik va kayfiyatning qanday bo‘lishida nonushtaning roli beqiyos ekani sabab ham tongni mazali va foydali mahsulotlar bilan qarshi olish muhim sanaladi.
Dolchin qo‘shing
Nonushtaga yogurt, suli yormasi yoki shunchaki qahva va buterbrod iste’mol qilishingizdan qat’i nazar, unga biroz dolchin qo‘shing. Uni har kuni iste’mol qilish qondagi qand miqdori va hujayralarning insulinga sezuvchanligini kamaytiradi. Qolaversa, dolchinning xushbo‘y ifori stressni kamaytirib, kun davomida a’lo kayfiyatda bo‘lishga hissa qo‘shadi.
Asal yoki yong‘oq yog‘i
Bo‘tqa, sirnik yoki buterbrodga murabbo o‘rniga asal yoki yong‘oq yog‘i qo‘shib iste’mol qiling. Tarkibida shakar yo‘q bo‘lgan yong‘oq yog‘i kletchatka va oqsilga boy ekani bilan uzoq vaqt davomida to‘q tutadi. Shu bilan birga salomatlik va miya faolligi uchun ham juda foydali sanaladi.
Shirin yogurtni oddiysiga almashtiring
Tarkibida oqsil ko‘p bo‘lgan yogurt kunni boshlash uchun eng yaxshi variant hisoblanadi. Oqsil uzoq vaqt to‘q tutadi, sut yog‘i, kalsiy va D vitamini esa butun organizmdagi tizimlar uchun foyda bo‘ladi. Probiotiklar ichaklar salomatligini yaxshilaydi. O‘zingiz tayyorlamaydigan bo‘lsangiz, do‘kondagi tabiiy deb yozilgan variantlarga e’tibor qarating. Ta’m kuchaytirgich va boshqa qo‘shimchalarsizidan tanlab, mazali bo‘lish uchun meva yoki asal qo‘shing.
Nonushtaga tuxum iste’mol qiling
Nonushtaga tuxum yeyish qorinni kun davomida to‘q tutish bilan birga, qish va kuzda ehtiyoj yuqori bo‘lgan D vitamini bilan ta’minlaydi, qon tomirlari va yurak faoliyatini yaxshilaydi. Qolaversa, uni tongda iste’mol qilish, qondagi qand va xolesterin miqdorining me’yorda bo‘lishiga hissa qo‘shadi.
Meva va sabzavotlar
Sabzavot va mevalar salomatlik uchun muhim bo‘lgan vitamin va minerallar, shuningdek, kletchatka hamda suvning koni sanaladi. Aynan shu sabab ham har tong nonushtani meva va sabzavotlardan tayyorlangan mazali yeguliklar bilan boshlash tavsiya qilinadi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
OAV: Markaziy Osiyo davlatlari dronlar bilan qurollanmoqda
Prezident Mirziyoyev Moskva paradidagi ishtirokidan so‘ng Toshkentga qaytdi
O‘zbekiston muftiysiga yangi o‘rinbosar tayinlandi
Afg‘oniston shimolidagi Bag‘lon viloyatida suv toshqinlari oqibatida 50 kishi halok bo‘ldi
Si Szinpin Makronni omma oldida e’tibordan chetda qoldirdi
Ijtimoiy-gumanitar yo‘nalishlarda kvotalar qisqartiriladi
TikTok AQSH hukumatini sudga berdi
AQSH elchisi: “O‘zbekiston prezidenti aql bovar qilmaydigan ishlarni amalga oshirdi”