2 143
Boshim og‘rimasin desangiz: Migren boshlanishidan oldin u bilan kurashishga yordam beradigan 6 usul
Foto: «Domashniy ochag»
Migren yoz kunlarida tez-tez bezovta bo‘lishga sabab bo‘ladigan kasallik sanaladi. Jazirama, quyoshning yorqin nuri uning qo‘zg‘alishiga olib kelishi mumkin. Bosh og‘riganda nima qilish kerakligi haqida «Domashniy ochag» jurnalidagi tavsiyalarni e’tiboringizga havola etamiz.
Ko‘proq suyuqlik iching
Kuchli bosh og‘rig‘i – organizmga suv yetishmayotganidan signal beruvchi suvsizlanishga xos simptom sanaladi. Suyuqlik balansining hatto biroz buzilishi ham migrenga sabab bo‘lishi mumkin. Aynan shuni inobatga olgan holda ko‘p suyuqlik ichish, shuningdek, tarkibida suv bisyor bo‘lgan sabzavot va mevalar – bodring, tarvuz va boshqalarni iste’mol qilish tavsiya qilinadi.
Spirtli ichimliklardan tiyiling
Spirtli ichimlik tufayli nafaqat tongda bosh og‘rig‘i bilan uyg‘onish, balki kun davomida ham ushbu muammodan aziyat chekish mumkin. Aynan shu bois ham bu kabi ichimliklardan, ayniqsa jazirama kunlarda tiyilgan yaxshi.
Tez-tez ovqatlaning
Qondagi qand miqdorining tushib ketishi kuchli bosh og‘rig‘iga sabab bo‘lishi mumkinligi uchun ham har ikki soat vaqt oralig‘ida tamaddi qilish kerak. Zaruriyat bo‘lganda iste’mol qilish uchun yoningizda batoncha, yong‘oq yoki quritilgan mevali paket olib yuring.
Tiniqib uxlashga harakat qiling
Kechki uyquning me’yorda bo‘lmasligi yoz kunlari bezovta qiladigan bosh og‘rig‘ining eng ko‘p tarqalgan sabablaridan biri sanaladi. Issiq harorat tufayli odam yaxshi uxlay olmaydi. Uyquning chuqur fazasi qisqarganida, dam olib bo‘lmaydi natijada kishi ertalab bosh og‘rig‘i bilan uyg‘onadi. Kechasi konditsionerdan foydalanishning imkoni bo‘lmasa, issiq bilan qanday kurashish mumkinligi haqidagi tavsiyalarga amal qilib ko‘ring.
Jismoniy faol bo‘ling
Tadqiqotchilar odamda aerobik zo‘riqish qancha ko‘p bo‘lsa, bosh og‘rig‘i shuncha kam kuzatilishini ta’kidlaydi. Hafta davomida uch marta 40 daqiqa davomida sport bilan shug‘ullanish salomatlikka ijobiy ta’sir ko‘rsatadi.
Stressni yengishni o‘rganing
Salomat bo‘lish va uzoq umr ko‘rishni istasangiz stressni yengishni hamda uning oqibatlarini meditatsiya yordamida kamaytirishni o‘rganing. Aynan surunkali, uzoq vaqt davom etadigan stress hayot davomiyligini qisqartirishi mumkin bo‘lgan kasalliklar: ikkinchi turdagi qandli diabet, infarkt, insult va hatto yosh bilan bog‘liq demensiya paydo bo‘lishiga olib kelishi mumkin. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya qo‘shinlari Avdeyevkadagi ikkita qishloqni egallab oldi
Teraktdan keyin Rossiyadagi Tojikiston fuqarolari nafrat va tajovuzga duchor bo‘lmoqda
«Krokus»dagi hujum bo‘yicha sakkizinchi ayblanuvchining ismi oshkor qilindi
Emmanuel Makron: “Ukraina tez orada qulashi mumkin”
Erdo‘g‘on terrorchilar haqida keskin gapirdi
Rossiyalik tergovchilar teraktda ayblanayotganlar oilasini so‘roq qilish uchun Tojikistonga keldi
Rossiyaning harbiy operatsiyadagi manyovri Ukrainani hayratga soldi
Qahva va saraton: olimlardan zo‘r yangilik!