Amiran xotini Maryamning yarim yalang‘och suratini e’lon qilgani uchun Karimovlar oilasidan uzr so‘radi

Rossiyalik bloger Amiran Sardarov 5 avgust kuni rafiqasi Maryam Tillayeva (O‘zbekiston birinchi prezidenti Islom Karimovning nevarasi)ning ichki kiyimsiz tushgan suratini Instagram’dagi sahifasiga joyladi. Ushbu surat ijtimoiy tarmoqlarda muhokamalar va keskin tanqidlarga sabab bo‘ldi.

^{Foto: Instagram / @amiran495}
6 avgust kuni Amiran suratni Instagram’dagi sahifasidan o‘chirib tashlagan. U yangi postida Karimovlar oilasidan uzr so‘ragan.

«Rafiqam va uning oilasidan kechirim so‘ramoqchiman. Hazillashmoqchi edim, lekin o‘xshamadi. Karimovlar oilasidan yana bir bor ushbu o‘ylanmagan va nomunosib ish uchun kechirim so‘rayman», — deb yozadi Amiran.

Maryam esa turmush o‘rtog‘ining postiga: «Kechirim so‘rash kerakmas, menga sening kontenting (qo‘ygan rasming) yoqadi», — deb izoh yozib qoldirgan.

Ma’lumot uchun, Maryam 7 yil avval ota-onasi — biznesmen Timur Tillayev va Lola Karimova-Tillayeva bilan AQSHga ko‘chib ketgan. Amiran Sardarov rossiyalik taniqli bloger bo‘lib, YouTube’da uning 6 millionga yaqin obunachisi bor.

Maryam Tillayeva o‘zidan 13 yosh katta Amiran Sardarovga 2021 yilning aprel oyida turmushga chiqqan edi. Ularning to‘yi Las-Vegasdagi mehmonxonalardan birida bo‘lib o‘tgan. “Zamin” yangiliklarini “Telegram”da kuzatib boring