Iqtisodiy tadqiqotlar va islohotlar markazi tadbirkorlar orasida ishbilarmonlik muhiti holati bo‘yicha so‘rov o‘tkazdi.
Qayd etilishicha, iyun oyida ishbilarmonlik muhiti ko‘rsatkichining biroz pasayishiga qaramay, u ijobiy sohada qolmoqda. Ko‘rsatkichning yaxshilanishi qishloq xo‘jaligi sohasidagi hozirgi holatning o‘sishi va kompaniyalarning yaqin kelajakdagi umidlarining ijobiy xarakteri bilan ta’minlangan.
Iyun oyida jamlangan ishbilarmonlik muhiti ko‘rsatkichi may oyidagi ko‘rsatkichga nisbatan 3 punktni yo‘qotdi va 57 punktni tashkil etdi, bu mamlakatdagi ishbilarmonlik muhitining holatini ijobiy deb baholaydi.
May oyida o‘z biznesining hozirgi holatini "yaxshi" deb qayd etgan respondentlarning ulushi 40 foiz bo‘lgan bo‘lsa, iyun oyida ularning soni sezilarli darajada 46 foizgacha oshdi.
Shu bilan birga, biznes holatining pessimistik tabiati bir xil darajada qolmoqda. Xususan, tadbirkorlarning 12 foiz o‘z biznesining hozirgi holatini "yomon"deb baholamoqda.
Kelgusi 3 oy ichida o‘z biznesining umumiy ahvoli yaxshilanishini kutayotgan tadbirkorlarning ulushi 75 foizni tashkil etdi, 70 foizi tovar va xizmatlarga talabning yanada oshishini kutmoqda va 68 foizi xodimlar sonini ko‘paytirishni rejalashtirmoqda.
“Zamin” yangiliklarini “Instagram”da kuzatib boring
