00:17 / 10.07.2016
4 909

Ishlatib bo‘lingan simobli lampalarni qaytarganlik uchun mukofot miqdori oshirildi

Ishlatib bo‘lingan simobli lampalarni qaytarganlik uchun mukofot miqdori oshirildi
Milliy ishlab chiqaruvchilar tayyorlagan energiyani tejaydigan lampalarni qayta ishlashga topshirgan aholi uchun chegirma miqdori 5 foizdan 10 foizga qadar oshirildi. Mazkur o‘zgarish Vazirlar Mahkamasining 28 iyundagi qarorida o‘z aksini topdi, deb xabar bermoqda “Gazeta.uz” .

2011 yildan amalda bo‘lgan qarorga muvofiq, simobli lampalardan foydalanuvchilar lampalarning ishlatilib bo‘lingan resurslarini utilizasiyaga topshirishga majbur. Lampalarni to‘plash utilizasiya, energiyani tejaydigan lampalar ishlab chiqarish bo‘yicha maxsus tashkilotlar, shuningdek, sotish punktlari hamda maishiy chiqindilarni to‘plash punktlari orqali amalga oshiriladi.

Agarda bunga qadar iste’molchilar foydalanilgan lampalarni maishiy chiqindilarni to‘plash punktlaridagi maxsus idishga solishlari kerak bo‘lsa, endilikda mazkur talab istisno qilindi. Buning o‘rniga maishiy chiqindilarni to‘plash punktlarida lampalarning sinishini va ularning tarkibidagi simob mavjud bo‘lgan moddalarning havoga chiqib ketishini, suv manbalariga, tuproqqa va oziq-ovqat mahsulotlariga tushishini istisno etuvchi maxsus o‘rnatilgan konteynerlardan foydalanish tartibi joriy etildi.

Simobli lampalarni aholiga turg‘un savdo shoxobchalari orqali, savdo komplekslarida, shuningdek, firma do‘konlarida va ishlab chiqaruvchi korxonalar (importchilar)ning vakolatxonalarida sotadigan savdo korxonalari simobli lampalarning ishlatilib bo‘lingan resurslarini aholidan cheklanmagan miqdorda qabul qilib olishga majbur.

Hukumat «O‘zeltexsanoat» kompaniyasiga bir oy muddatda energiyani tejoychi lampalarni ishlab chiqaruvchi korxonalar va mahalliy hokimiyat organlari bilan kelishgan holda aholidan resurslari ishlatilib bo‘lgan simobli lampalarni qabul qilib olish va utilizasiya qilish tashkilotlariga berish uchun energiyani tejaydigan lampalarni turg‘un savdo shoxobchalari orqali sotuvchi savdo ob’ektlarini joylashtirish vazifasini topshirdi.

Qayd etish joizki, ishlab chiqaruvchilarga ishlatilib bo‘lgan lampalarni qaytarganlik uchun beriladigan 10 foizlik kompensasiya uchun zarur bo‘lgan mablag‘lar mahsulot tannarxi tarkibiga kiritilishi mumkin.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Iqtisodiyot » Ishlatib bo‘lingan simobli lampalarni qaytarganlik uchun mukofot miqdori oshirildi