21:10 / 18.03.2015
8 878

Moskva birjasida yuan va rubl valyuta juftligi savdosi boshlandi

Moskva birjasida yuan va rubl valyuta juftligi savdosi boshlandi
Zamin.uz - Moskva fond-birjasi matbuot xizmatining xabar berishicha, bugundan boshlab birjada “yuan-rubl” valyuta juftligining fyuchers savdosi ochildi.
“Yangi fyuchers savdosining ochilishi Moskva fond-birjasida yuan bilan savdo qilish hajmining sezilarli darajada o‘sgani, Rossiya valyuta bozorida yuan-rubl juftligi ishtirokidagi konversion operasiyalar ulushining ko‘payishi, Rossiya va Xitoy o‘rtasidagi tashqi savdo shartnomalari operasiyalariga bo‘lgan talabning oshishi sabab bo‘ldi”, – deyiladi matbuot xabarnomasida.

O‘tgan yilning may oyida Rossiya va Xitoy rahbarlari hisob-kitoblarni milliy valyutalarda olib borish haqida kelishuvga erishdi. Oktyabr oyida esa ikki mamlakat markaziy banklarining rahbarlari valyuta svoplari haqidagi kelishuvga imzo chekishdi. 2014 yilning oxiriga kelib Moskva birjasida yuan savdosi 8 barobarga o‘sib, 395 mlrd rublni tashkil etdi.

Manba: www.kun.uz

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Iqtisodiyot » Moskva birjasida yuan va rubl valyuta juftligi savdosi boshlandi