2025 yil 1 iyul holatiga ko‘ra, O‘zbekistonning xalqaro zaxiralari 48,5 milliard dollarni tashkil etdi. Bu ko‘rsatkich o‘tgan oyga nisbatan 1,1 milliard dollarga kamaygan, deb yozmoqda uz24.uz sayti.
Mamlakat zaxiralaridagi pasayish asosan chet el valyutasidagi aktivlarning kamayishi bilan bog‘liq. Iyun oyida xorijiy valyutadagi zaxiralar 1,9 milliard dollarga kamayib, 9,6 milliard dollarga tushgan.
Oltin zaxiralari o‘sishda davom etmoqda
Shu bilan birga, mamlakatning oltin zaxiralari qariyb 10 tonnaga oshgan. Oltin zaxiralari qiymati 763 million dollarga ko‘payib, umumiy hisobda 38,4 milliard dollarni tashkil etgan.
Zaxiralar nima uchun muhim?
Oltin-valyuta zaxiralari har qanday mamlakat iqtisodiyoti uchun juda ahamiyatli. Ular tashqi qarzlarni o‘z vaqtida qaytarish, importni moliyalashtirish va kutilmagan iqtisodiy xavflarga tayyor turishda "moliyaviy kafolat" vazifasini bajaradi.
Ayni paytdagi zaxiralar O‘zbekistonning taxminan 14 oylik import ehtiyojlarini qoplash imkoniyatiga ega. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
