O‘zbekistonda maktablar va bog‘chalar rahbarlariga katta qiziqish uyg‘otgan yangilik e’lon qilindi. Bu yil mart oyida qabul qilingan prezident farmoniga muvofiq, maktab va bog‘cha rahbarlarining oylik maoshlari sezilarli darajada ko‘tariladi.
Farmonga muvofiq, 2025 yil 1 sentyabrdan boshlab maktab direktori lavozimi uchun bazaviy tarif stavkasi 20 foizga oshiriladi. Shuningdek, maktab direktori o‘rinbosari lavozimiga ham e’tibor qaratilgan bo‘lib, uning bazaviy tarif stavkasi 15 foizga ko‘tariladi. Bu esa rahbarlar uchun barqaror iqtisodiy qo‘llab-quvvatlash va motivatsiyani ta’minlaydi.
Shu bilan birga, I va II guruhga kiruvchi bog‘cha direktorlari lavozimlari ham nazardan chetda qolmaydi. Ularning bazaviy tarif stavkalari III va IV guruhdagi maktab direktori o‘rinbosarlari bilan tenglashtiriladi, ya’ni oshiriladi va bu ham ularning mehnat samaradorligi va mas’uliyatini rag‘batlantiradi.
Bundan tashqari, 2026 yil 1 yanvardan boshlab maktablar jamg‘armasi mablag‘lari hisobidan direktor va uning o‘rinbosarlariga qo‘shimcha ustamalar berilgani ma’lum qilindi. Ushbu ustamalar ularning faoliyat samaradorligi ko‘rsatkichlari (KPI) natijasiga qarab aniqlanib, direktorlar uchun 20 foizga, o‘rinbosarlar uchun esa 10 foizga belgilanadi. Bu esa rahbarlarning mas’uliyatini oshirish, samarali ishlash va maktablarning rivojiga hissa qo‘shish uchun qo‘llaniladi.
