Byudjetga ochiq nazorat
O‘zbekistonda byudjet shaffofligini oshirish va fuqarolarning moliyaviy jarayonlardagi ishtirokini kuchaytirish maqsadida muhim qaror qabul qilindi. Prezidentning “Soliqlarning yig‘iluvchanlik darajasini oshirish va faol soliq to‘lovchilarni rag‘batlantirish chora-tadbirlari to‘g‘risida”gi farmoniga ko‘ra, 2026 yil 1 yanvardan boshlab jismoniy shaxslarning daromad, yer va mol-mulk soliqlaridan tushgan mablag‘larning qay tarzda sarflangani bo‘yicha doimiy axborot beriladi.
“Ochiq byudjet”dagi yangi modul
2026 yildan boshlab, “Ochiq byudjet” (openbudget.uz) portalida “Jismoniy shaxslarning soliqlari hisobidan xarajatlar” deb nomlanuvchi maxsus modul ishga tushiriladi. Ushbu mexanizm yordamida har bir fuqaro muayyan davrda o‘zi to‘lagan uch turdagi soliq (daromad, yer va mol-mulk) haqidagi aniq ma’lumotlarni ko‘rishi mumkin bo‘ladi. Eng muhimi, ularning to‘lovi hisobiga davlat byudjetidan amalga oshirilgan xarajatlarining yo‘nalishlar kesimidagi tafsilotlari doimiy e’lon qilinadi. Bu, soliq to‘lovchilar ustidan jamoatchilik nazoratini kuchaytirishga qaratilgan jiddiy qadamdir.
Moliyaviy ko‘lam
Ma’lumot uchun, ushbu uch turdagi soliqlardan tushumlar konsolidatsiyalashgan byudjet xarajatlarining qariyb 12 foizini tashkil etadi. 2025 yilning birinchi yarm yilligida davlat g‘aznasi daromadlari 144,2 trln so‘mni tashkil etgan bo‘lib, shuning 20 foizi aynan mazkur uch turdagi soliq hisobiga to‘g‘ri kelgan. Jumladan, jismoniy shaxslardan olingan daromad solig‘i 19,9 trln so‘mni tashkil etgan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
