Vedomosti.ru xabariga ko‘ra, Rossiyada aholining moliyaviy holatini aks ettiruvchi asosiy ko‘rsatkich — qarz yuki koeffitsienti (PDN) 2025-yilning uchinchi choragida eng yuqori darajaga yetgan. Bu haqda Rossiya Markaziy banki hisobotida ma’lumot berilgan.
PDN koeffitsienti — bu fuqarolarning oylik qarz to‘lovlari umumiy miqdorining ularning rasmiy daromadiga nisbati hisoblanadi. Ushbu ko‘rsatkich kreditni to‘lash imkoniyatini baholashda muhim rol o‘ynaydi.
Hisobotga ko‘ra, PDN darajasi 41,3 foizga yetgan. Bu degani, qarz olgan rossiyaliklar o‘rtacha oy daromadining yarmiga yaqinini kreditlarni to‘lashga yo‘naltirayotgani aniqlandi.
Mutaxassislar bu holatni xavfli deb baholashmoqda. Aholining ko‘p qismi kreditga bog‘langan, bu esa iste’mol xarajatlarining kamayishiga va iqtisodiy faollikning pasayishiga olib kelishi mumkin.
Markaziy bank kredit tashkilotlariga qarz yuki yuqori bo‘lgan mijozlarga kredit berishda ehtiyot bo‘lishni, risklarni baholashda PDN’ni inobatga olishni tavsiya qilmoqda.
Agar bu ko‘rsatkich yana oshsa yoki uzoq vaqt yuqori bo‘lib qolsa, bu iqtisodiy beqarorlik xavfini kuchaytirishi mumkinligi qayd etilmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
