O‘zbekiston va Xitoy xalq respublikasi O‘zbekistonda yetishtirilgan achchiq qalampirni XXRga eksport qilishga imkon beruvchi protokolni imzoladi. Kun.uz’ga ma’lum qilinishicha, O‘zbekiston respublikasi Vazirlar mahkamasi huzuridagi O‘simliklar karantini bo‘yicha inspeksiya Xitoy xalq respublikasi Bosh bojxxona boshqarmasi O‘zbekistondan achchiq qalampirni Xitoyga eksport qilishga doir fitosanitar talablar to‘g‘risidagi protokolni imzolagan.
Ta’kidlanishicha, O‘zbekistonning XXRdagi elchixonasi O‘simliklar karantini bo‘yicha bosh davlat inspeksiyasi va boshqa idoralar bilan hamkorlikda achchiq qalampirning ehtimoliy fitosanitar tahdidlarini aniqlash uchun texnik ma’lumotlarni ishlab chiqish uchun zaruriy ishlar amalga oshirilgan.
Ma’lumot uchun: Xitoy mamlakatga import qilinayotgan mahsulotlar ustidan, importchilarga mahsulotni tekshirish uchun karantinli foydalanishni taqdim etish bo‘yicha jiddiy nazoratni olib boradi. Xitoy hukumati tekshiruv chog‘ida o‘simliklar zararkunandalariga doir muammoga e’tibor qaratadi. Shunga ko‘ra, ikki tomon ham Xitoyga eksport qilinadigan ma’lum bir mahsulotlarning tekshiruvi va karantiniga doir protokol talablarining mazmunini kelishib olishi zarur. Bir to‘xtamga kelishilgach, tomonlar sanitar sertifikat tarkibini tasdiqlab, kelishuvni imzolaydi.
O‘zbekistondan Xitoyga eksport qilinuvchi achchiq qalampir ayyni imzolangan protokolda ko‘zda tutilgan sanitar-gigiyenik me’yorlar, fitosanitar qoidalar va talablarga javob berishi kerak. Ushbu hujjat imzolanishi bilan tadbirkorlar Xitoyga yangi mahsulotni eksport qilish imkoniga ega bo‘lmoqda.
2018 yil 27 yanvarda O‘zbekiston Vazirlar Mahkamasi «O‘zbekistonda xorijiy tajriba asosida achchiq qalampir (chili)ni yetishtirishni oshirish choralari to‘g‘risida»gi qarori qabul qilingan edi.
Shundan so‘ng, respublika bo‘ylab 15 ming gektardan ortiq maydon xorijiy va mahalliy navdagi achchiq qalampir ko‘chatlari qadaldi.
Biroq, yetishtirilgan hosilni xarid qilish ishlari to‘g‘ri tashkil etilmagani, ko‘p miqdordagi mahsulotni xorijga eksport qilishda, yirik iste’molchi davlatlar tomonidan O‘zbekiston achchiq qalampiriga taqiq qo‘yilgani ortidan mahalliy tadbirkor va fermerlar xarajatlarni qoplay olmadi, aksincha banklardan qarz bo‘lib qoldi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Vladimir Putin «Krokus»da sodir etilgan terakt uchun o‘ch olishga chaqirdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Mariya Zaxarova ukrainaliklarni Amerika hindulariga o‘xshatdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Ispaniya va Gretsiya Kiyevga Patriot tizimlarini yetkazib berishdan bosh tortdi
Uchar avtomobil yo‘lovchi bilan birinchi parvozini amalga oshirdi (video)
Amerikalik olimlar barcha uchun birdek foydali jismoniy faollik turini aniqladi
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi