15:52 / 11.02.2015
6 833

Coca-Cola kompaniyasining daromadi 55 foizga kamayib ketdi

Coca-Cola kompaniyasining daromadi 55 foizga kamayib ketdi
Dunyoda spirtsiz ichimliklar ishlab chiqaruvchi eng yirik kompaniya sanaladigan, AQShning Coca-Cola Co kompaniyasining 2014 yilning to‘rtinchi choragidagi sof daromadi 2013 yilning shu davriga nisbatan 55 foizga kamayib ketgan, deb aytildi kompaniya chop etgan hisobotda.

Kompaniyaning 2014 yil to‘rtinchi choragidagi sof daromadi 771 mln dollarni yoki bitta aksiyaga 17 sentni tashkil qilgan. Kompaniya daromadi 2013 yilning ushbu davrida 1,708 mlrd dollarni yoki bitta aksiyaga 38 sentni tashkil qilgan edi. Umumiy tushum 2 foizga kamaygan hamda 10,872 mlrd dollarni tashkil qilgan.

Coca-Cola’ning savdosi natural ko‘rinishda o‘tgan chorakda 1 foizga ko‘tarilgan. Shu jumladan, Evroosiyo va Afrika qit’alarida bu ko‘rsatkich 3 foizga, Lotin Amerikasida 2 foizga, Shimoliy Amerikada 1 foizga, Osiyo-Tinch okeani mintaqasida 1 foizga ko‘tarilgan. Evropada esa bu ko‘rsatkich 1 foizga kamaygan. Kompaniyaning 2014 yildagi sof daromadi 17 foizga kamayib, 7,098 mlrd dollarni tashkil qilgan. Umumiy tushum esa 2 foizga kamayib, 45,998 mlrd dollarni tashkil qilgan.

Coca-Cola rahbariyati 2015 yil kompaniya uchun o‘tish davri bo‘lishini ta’kidlab o‘tdi, chunki bu yilda kompaniya xarajatlarni kamaytirish ustida ish olib boradi hamda valyuta kurslarining o‘ynashiga qarshi turadi.

Hisobot chop etilgandan keyin, Coca-Cola’ning qimmatli qog‘ozlari 10 fevraldagi savdolar paytida 4 foizga ko‘tarilgan. Kompaniyaning o‘tgan yilgi kapitalizasiyasi miqdori 6,9 foizga oshgan.

Manba: www.kun.uz

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Iqtisodiyot » Coca-Cola kompaniyasining daromadi 55 foizga kamayib ketdi
[/banner_pushhouse