30 aprel kuni Shavkat Mirziyoyev raisligida hududlarda mahalliy sanoatni rivojlantirishga bag‘ishlangan videoselektor yig‘ilishi o‘tkazilgani to‘g‘risida xabar berilgandi. Yig‘ilishda ishlab chiqarish hajmini oshirish masalalari muhokama qilingan. Bu haqda «O‘zbekiston 24» telekanalining lavhasida so‘z boradi.
Yig‘ilishda davlat rahbari mahalliy sanoatni rivojlantirish ham hokimlarning qo‘lidagi masala ekanligini ta’kidlagan. Shavkat Mirziyoyev haftada bir marta bank va soliq idoralari rahbarlari bilan viloyat hokimlarining o‘zlari gaplashishini, har bir tumanning kim bo‘lishidan qat’iy nazar, bank bilan soliqchisining ko‘ziga qarab baho berish kerakligini qayd etgan.
«Bizga katta to‘siq — bank bilan soliq. Iqtisodiyotimizga to‘siq. Har bir viloyat hokimi bank va soliq bilan har hafta bir marta gaplashadi. Xalqimiz bizni boqib oladi, oldin xalqimizni ozgina oyoqqa turg‘izib olaylik.
Korrupsiyani ildizi bilan yo‘q qilmasak, islohotlarimiz amalga oshmaydi. Iqtisod nuqtai nazaridan bankning kapitali bo‘lishi uchun qancha pul beryapmiz? Shu paytgacha bank qolarmidi? Bankrot bo‘lardi. Chet eldan kelib bankimizni sotib oladiganlar juda ko‘p, men bunga ruxsat bermayapman. O‘zimizning xalqimizga o‘zimiz xizmat qilishga o‘rganaylik, deyapman. Soliqlar o‘zimizda qolsin deyapman…», — deydi davlat rahbari.
Shuningdek, Prezident qaysi tumanda ishsizlar ko‘p bo‘lsa, bu o‘sha tumanning rahbarlari, to‘rtta sektori chiqargan qarorlar bo‘yicha ishlamayotganidan dalolat berishini aytib o‘tgan. «Hozir sizlarga hamma sharoitni yaratib, xalqqa xizmat qilgin, deb pul beryapmiz», — deydi Shavkat Mirziyoyev. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Putin Ukrainadagi obyektga ballistik raketa zarbasi berilganini e’lon qildi
Zelenskiy Putin borasida bayonot berdi: “Tinchlikni istaganlar yuziga tupurmoqda”
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
